° °

આજનું ઇ-પેપર
Sunday, 05 February, 2023


વિલિયમસન ફ્રેન્ડ છે, આઇપીએલમાં તેને લઈશું કે નહીં એની ખબર નથી : હાર્દિક

17 November, 2022 01:00 PM IST | New Delhi
Gujarati Mid-day Correspondent | feedbackgmd@mid-day.com

૨૦૨૨ની આઇપીએલમાં વિલિયમસને ૧૩ ઇનિંગ્સમાં માત્ર ૨૧૩ રન બનાવ્યા હતા.

કોણ બનશે ટ્રોફીનો માલિક?ઃ હાર્દિક પંડ્યા અને કેન વિલિયમસને વેલિંગ્ટનમાં ગઈ કાલે ટી૨૦ સિરીઝની ટ્રોફી સાથે પોઝ આપ્યો હતો. તસવીર એ.એફ.પી.

કોણ બનશે ટ્રોફીનો માલિક?ઃ હાર્દિક પંડ્યા અને કેન વિલિયમસને વેલિંગ્ટનમાં ગઈ કાલે ટી૨૦ સિરીઝની ટ્રોફી સાથે પોઝ આપ્યો હતો. તસવીર એ.એફ.પી.

આવતી કાલે શરૂ થતી ટી૨૦ સિરીઝમાં ભારતનો કૅપ્ટન હાર્દિક પંડ્યા અને ન્યુ ઝીલૅન્ડનો કેન વિલિયમસન છે અને હરીફ હોવા છતાં બન્ને વચ્ચે બહુ સારી મિત્રતા છે. સ્વાભાવિક રીતે આ ફ્રેન્ડશિપ આઇપીએલને કારણે જ થઈ છે. સનરાઇઝર્સ હૈદરાબાદે પોતાના કૅપ્ટન વિલિયમસનને બુધવારે પડતો મૂકીને થોડો આંચકો જરૂર આપ્યો હશે અને એ વિશે ગઈ કાલે એક પત્રકારે હાર્દિકને ‘શું તમારી ચૅમ્પિયન ટીમ ગુજરાત ટાઇટન્સ કેન વિલિયમસનને હવે ઑક્શનમાં ખરીદવામાં રસ બતાડશે?’ એવું પૂછ્યું ત્યારે હાર્દિકે કહ્યું કે ‘કેન મારો ફ્રેન્ડ જરૂર છે, પણ તેને અમારી ટીમ ખરીદશે કે નહીં એ વિશે મને કોઈ જાણ નથી. એ આઇપીએલની વાત છે, હમણાં તો અમે ટી૨૦ સિરીઝ રમવા આવ્યા છીએ.’

૨૦૨૨ની આઇપીએલ પહેલાં ડેવિડ વૉર્નર સાથેના સંબંધો બગડવાને પગલે હૈદરાબાદના ફ્રૅન્ચાઇઝીએ વિલિયમસનને ૧૪ કરોડ રૂપિયામાં રિટેન કર્યો હતો. જોકે હૈદરાબાદની ટીમ લાગલગાટ પાંચ મૅચ જીતવા ઉપરાંત કુલ ૧૪માંથી ફક્ત ૬ મૅચ જીતી હતી. ત્યારે કોણીની ઈજામાંથી મુક્ત થઈને રમવા આવેલા વિલિયમસને ૧૩ ઇનિંગ્સમાં માત્ર ૨૧૩ રન બનાવ્યા હતા. વિલિયમસન કુલ ૮ સીઝન હૈદરાબાદ વતી રમ્યો અને ૨૦૧૮માં તેના સુકાનમાં હૈદરાબાદની ટીમ રનર-અપ બની હતી.

17 November, 2022 01:00 PM IST | New Delhi | Gujarati Mid-day Correspondent

અન્ય લેખો

ક્રિકેટ

કોવિડકાળ પહેલાંનું અધૂરું સપનું વિમેન ઇન બ્લુને હવે પૂરું જ કરવું છે

માર્ચ ૨૦૨૦માં ઑસ્ટ્રેલિયા સામેની ટી૨૦ વિશ્વકપની ફાઇનલની ભારતની હાર પછી કોરોનાએ આખા વિશ્વને ભરડામાં લીધેલું : ૧૦ ફેબ્રુઆરીથી શરૂ થાય છે નવો વર્લ્ડ કપ

04 February, 2023 02:13 IST | Mumbai | Gujarati Mid-day Correspondent
ક્રિકેટ

ઑસ્ટ્રેલિયનોએ જૂનાગઢના ‘અશ્વિન ડુપ્લિકેટ’ની લીધી મદદ

આર. અશ્વિન જેવા દેખાતા મહેશ પીઠિયાની બોલિંગ ઍક્શન પણ તેના જેવી છે અને તેના જેવા ટર્ન પણ કરી શકે છે

04 February, 2023 02:08 IST | Mumbai | Gujarati Mid-day Correspondent
ક્રિકેટ

ઈશાન કિશન ગિલ પર ‘ગુસ્સે’ થયો અને ‘તમાચો’ ઝીંકી દીધો

ચહલ પણ ગિલ પર ક્રોધિત

04 February, 2023 01:57 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK