આફ્રિકાના ગઢ સેન્ચુરિયનમાં ઑસ્ટ્રેલિયા પણ કંઈ કમ નથી
સાઉથ આફ્રિકનો ૨૭માંથી ૧૭ વન-ડે જીત્યા છે અને કાંગારૂઓનો પણ પોણા ભાગની મૅચોમાં વિજય : આજે થશે સિરીઝનો પ્રથમ જંગ
બીજી તરફ, ઑસ્ટ્રેલિયા આ મેદાન પર ૧૧માંથી ૭ વન-ડે જીત્યું છે. ૨૦૦૩ના વર્લ્ડ કપમાં અને પછી ૨૦૦૯ની ચૅમ્પિયન્સ ટ્રોફીમાં સેન્ચુરિયનની જીત કાંગારૂઓ માટે શુકનિયાળ સાબિત થઈ હતી. જોકે આ સ્થળે સાઉથ આફ્રિકા સામે તેમનો રેકૉર્ડ થોડો નબળો છે. અહીં કાંગારૂઓ તેમની સામે ૨-૩થી પાછળ છે.
સેન્ચુરિયનની પિચ પુષ્કળ રન માટે જાણીતી છે. જોકે અહીં બોલરોને બાઉન્સ અને મુવમેન્ટ પણ સારા મળતા હોવાથી આફ્રિકનોમાં ડેલ સ્ટેન તથા બીજા બોલરોને અને ઑસ્ટ્રેલિયનોમાં મિચલ જૉન્સન તથા તેના સાથી બોલરોને ફાયદો થઈ શકે.
