આ રેકૉર્ડ કાયમ કરવા માટે એકસાથે ઓછામાં ઓછી ૯,૯૯૯ લૉલીપૉપની લાઇન બનાવવી પડે
Offbeat News
વિશ્વમાં લૉલીપૉપની સૌથી લાંબી લાઇનનો રેકૉર્ડ બન્યો
સાઉથ આફ્રિકાના નૅશનલ સી રેસ્ક્યુ ઇન્સ્ટિટ્યૂટ (એનએસઆરઆઇ)ની સ્થાપના ૧૯૬૭માં કરવામાં આવી હતી. આ સંગઠનના કાર્યકરોએ વિશ્વની સૌથી લાંબી લૉલીપૉપની લાઇન બનાવવાની ચૅલેન્જ ઉપાડી હતી. આ રેકૉર્ડ કાયમ કરવા માટે એકસાથે ઓછામાં ઓછી ૯,૯૯૯ લૉલીપૉપની લાઇન બનાવવી પડે. લાઇનમાંની બધી લૉલીપૉપ એકમેકને અડીને રાખવામાં આવવી જોઈએ. જો આ લાઇન તૂટે તો રેકૉર્ડ ન બની શકે. માત્ર ૯૦ મિનિટમાં એક કિલોમીટર કરતાં વધુ લાંબા વિસ્તારમાં રેકૉર્ડ બનાવવા ૧૧,૬૦૨ લૉલીપૉપ બોર્ડવૉક પર મુકાઈ ગઈ હતી. એક તબક્કે આખી ઘટનાનું રેકૉર્ડિંગ કરતું ડ્રોન સહેજ નીચેથી ઊડતાં લૉલીપૉપની લાઇન હલી ગઈ હતી, પણ એને તરત જ સરખી કરી લેવામાં આવી હતી. લાઇન એટલી લાંબી હતી કે એની ગણતરી માટે નિર્ણાયકોએ પાંચ જણની મદદ લેવી પડી હતી.