નાની-નાની બ્રિક્સ ગોઠવીને એક મજાનું સ્ટ્રક્ચર બનાવવાની ક્રીએટિવિટી ખીલવવા માટે જાણીતા લેગો બ્રિક્સે આ વખતે રેકૉર્ડબ્રેક સેટ તૈયાર કર્યો છે.
લેગો સેટ
નાની-નાની બ્રિક્સ ગોઠવીને એક મજાનું સ્ટ્રક્ચર બનાવવાની ક્રીએટિવિટી ખીલવવા માટે જાણીતા લેગો બ્રિક્સે આ વખતે રેકૉર્ડબ્રેક સેટ તૈયાર કર્યો છે. એમાં ૧૨,૦૬૦ પીસ છે અને એ પીસને ગોઠવીને એમાંથી સ્પેનના બાર્સેલોનામાં આવેલા બૅસિલિકા ચર્ચનું બિલ્ડિંગ બનશે. આ ચર્ચ હકીકતમાં ૧૮૮૨ની સાલમાં બંધાવાનું શરૂ થયું હતું. આ ચર્ચના આર્કિટેક્ટ ઍન્ટોની ગૌડીના મૃત્યુને આ વર્ષે ૧૦૦ વર્ષ પૂરાં થઈ રહ્યા છે એ નિમિત્તે આ લેગો સેટ તૈયાર કરવામાં આવ્યો છે. ૨૪ ઇંચના આ મૉડલમાં લાઇટ મૂવમેન્ટ અને સ્ટૅન્ડ ગ્લાસ ઇફેક્ટ પણ આપી શકાશે. પહેલી નવેમ્બરે દુનિયાભરમાં લૉન્ચ થનારા આ લેગો સેટનું અત્યારથી જ પ્રી-બુકિંગ શરૂ થઈ ગયું છે. એની કિંમત ૮૦૦ અમેરિકન ડૉલર એટલે કે લગભગ ૭૬,૬૦૦ રૂપિયા જેટલી છે.
