બ્લૉકઆઉટ કૅમ્પેન : સોશ્યલ મીડિયા પર લોકો સેલિબ્રિટીઝને શા માટે બ્લૉક કરી રહ્યા છે?

નેટિઝન્સ ‘બ્લૉકઆઉટ 2024’ મૂવમેન્ટ હેઠળ આલિયા ભટ્ટ, ટેલર સ્વિફ્ટ જેવાં પબ્લિક ફિગરને બ્લૉક કરવા માંડ્યા છે

‘બ્લૉકઆઉટ 2024’

તાજેતરમાં ફૅશનની સૌથી મોટી મેટ ગાલા ઇવેન્ટ યોજાઈ એ પછી સેલિબ્રિટીઝના સોશ્યલ મીડિયા ફૉલોઅર્સ ઘટી રહ્યા છે. નેટિઝન્સ ‘બ્લૉકઆઉટ 2024’ મૂવમેન્ટ હેઠળ આલિયા ભટ્ટ, ટેલર સ્વિફ્ટ જેવાં પબ્લિક ફિગરને બ્લૉક કરવા માંડ્યા છે, કારણ કે તેઓ ઇઝરાયલ-હમાસ યુદ્ધના મામલે ચૂપ બેઠાં છે. લોકોમાં એ વાતનો આક્રોશ છે કે એક બાજુ ઇઝરાયલી દળોએ ગાઝાની રફાહ બૉર્ડર ક્રૉસિંગ પર કબજો કર્યો છે અને બીજી બાજુ સેલેબ્સ હાઈ-એન્ડ ફન્ડરેઝર માટે મેટ ગાલામાં હાજરી આપી રહ્યા છે. બ્લૉકઆઉટ, બ્લૉકઆઉટ 2024, સેલિબ્રિટી બ્લૉકઆઉટ જેવા હૅશ ટૅગ્સ સાથે આ કૅમ્પેનમાં વધુ ને વધુ લોકો જોડાઈ રહ્યા છે. તેઓ એ તમામ હાઈ-પ્રોફાઇલ લોકોને બ્લૉક કરી રહ્યા છે જેમણે હજી સુધી હમાસ સામે ઇઝરાયલના હુમલા વિશે કોઈ નિવેદન નથી આપ્યું.