રવિવારે સવારે પોલીસે તરવૈયાઓની મદદથી શરીરે ગંભીર ઈજા સાથેનો બાળકનો મૃતદેહ શોધી કાઢ્યો હતો.
પ્રતીકાત્મક તસવીર
કર્ણાટકમાં શનિવારે એક શૉકિંગ ઘટના બની હતી. રાજ્યના દંડેલી તાલુકામાં ૨૬ વર્ષની મહિલાએ જન્મથી જ બોલી ન શકતા ૬ વર્ષના દીકરાને નદીમાં ફેંકી દીધો હતો. આ નદીમાં સંખ્યાબંધ મગરનો વસવાટ છે. પોલીસે જણાવ્યા પ્રમાણે પતિ સાથે ઝઘડો થયા બાદ મહિલાએ આ આઘાતજનક પગલું ભર્યું હતું. આ તેમનો મોટો દીકરો હતો. મહિલાને બે વર્ષની વયનો એક બીજો પુત્ર પણ છે. જન્મથી બોલી ન શકતા દીકરાને લઈને પતિ-પત્ની વચ્ચે અવારનવાર ઝઘડા થતા હતા. શનિવારે આ મુદ્દે વધુ એક વખત ઉગ્ર બોલાચાલી થયા બાદ મહિલાએ દીકરાને નદીમાં ફેંકી દીધો હતો. રવિવારે સવારે પોલીસે તરવૈયાઓની મદદથી શરીરે ગંભીર ઈજા સાથેનો બાળકનો મૃતદેહ શોધી કાઢ્યો હતો.
