ઇટલીમાં યોગ કરતી વખતે સાથે ડૉગી રાખવાની મનાઈ

ઇટલીની સરકારે ‘પપી યોગ’ પર બૅન મૂક્યો છે.

પ્રતીકાત્મક ફાઇલ તસવીર

ઇટલીમાં યોગ કરતી વખતે સાથે ડૉગી રાખવાની મનાઈ

ઇટલીની સરકારે ‘પપી યોગ’ પર બૅન મૂક્યો છે. યોગ-સેશનમાં જતા લોકો પોતાની સાથે ડૉગીને પણ લઈને જતા હતા અને ડૉગી પણ પોતાના માલિકનું અનુકરણ કરતા હોય એવા ફોટો વાઇરલ થતા હતા. જોકે હવે ઇટલીના આરોગ્ય વિભાગે યોગ કરતી વખતે ડૉગીને સાથે રાખવાની મનાઈ ફરમાવી દીધી છે. હાલમાં એક યોગ-સેશન દરમ્યાન પપીની સતામણીનો કિસ્સો બન્યો હતો. એ પછી વિવિધ સ્વૈચ્છિક સંસ્થાઓએ ‘પપી યોગ’ પર પ્રતિબંધની માગણી કરી હતી.

ADVERTISEMENT

ઇસ્લામાબાદના પાર્કમાં પાકિસ્તાનીઓનું યોગ-સેશન 

શરીર અને મનને સ્વસ્થ રાખતી ભારતની યોગ-પરંપરાને હવે દુનિયાભરના લોકો અનુસરે છે અને એમાં પાકિસ્તાનના લોકો પણ બાકાત નથી. આ તસવીર ઇસ્લામાબાદના એક પાર્કની છે. અહીં દરરોજ સવારે યોગ-સેશન યોજાય છે જેમાં નિયમિતપણે સ્થાનિક લોકો યોગાસન કરે છે. પાકિસ્તાન સરકારના સ્પોર્ટ્સ ઍન્ડ કલ્ચર ડિપાર્ટમેન્ટ દ્વારા યોગ-સેશનનું આયોજન કરવામાં આવે છે જેમાં લોકો વિનામૂલ્ય ભાગ લઈ શકે છે. પાકિસ્તાનની સરકાર ભલે ભારતવિરોધી ગતિવિધિઓને પ્રોત્સાહન આપતી હોય, પણ પોતાના નાગરિકોને ભારતની યોગ-પરંપરા અનુસરવા માટે પણ પ્રોત્સાહિત કરે છે.