સ્પર્ધામાં ટકી રહેવા માટે કૉફી-શૉપ્સ નિતનવાં ગતકડાં કરતા રહે છે
ઇન્ડોનેશિયામાં ઊંધા ગ્લાસમાં કૉફી મળે છે
‘કુપી ખોપ’ એ વિશેષ પ્રકારની કૉફી છે જે કાચની રકાબીમાં ગ્લાસ ઊલટો મૂકીને સર્વ કરાય છે અને સ્ટ્રૉ વડે પીવાય છે. આ જ કારણસર એ ઇન્ડોનેશિયન અપસાઇડ-ડાઉન કૉફી તરીકે પણ ઓળખાય છે.
ઇન્ડોનેશિયામાં આચેહના પશ્ચિમ કિનારે ‘કુપી ખોપ’ કૉફી મળે છે. કૉફી સર્વ કરવાની બેજોડ રીતને કારણે જો કૉફી પીવાનું ગમતું ન હોય તો પણ સોશ્યલ મીડિયા અકાઉન્ટ પર એને શૅર કરવાની લાલચ રોકી શકાય એમ નથી. ‘કુપી ખોપ’ કૉફી બનાવવાની રીત આ મુજબની છે ઃ કાચમાં ઉકાળવામાં આવેલી જાડી પિસાયેલી રોબસ્ટા કૉફીને તૈયાર કર્યા બાદ કાચની રકાબી પર ઊંધી કરવામાં આવે છે અને પ્લાસ્ટિકની સ્ટ્રૉના ઉપયોગથી કાચમાંથી કૉફીને ઢોળ્યા વિના ધીમે-ધીમે પીવાય છે.
ADVERTISEMENT
સ્પર્ધામાં ટકી રહેવા માટે કૉફી-શૉપ્સ નિતનવાં ગતકડાં કરતા રહે છે. જોકે ‘કુપી ખોપ’માં અલગ જ વિશિષ્ટતા છે. આ કૉફીને અધિકૃત રીતે વેસ્ટ આચે રિજન્સીની અમૂર્ત સાંસ્કૃતિક વારસા તરીકે જાહેર કરવામાં આવી છે અને સદીઓ પાછળનો એનો ઇતિહાસ શોધી શકાય છે.
થર્મોસની શોધ નહોતી થઈ એ વખતે માછીમારો માછલી પકડતી વખતે કૉફી ઠંડી ન પડે અને માછલી પકડવા માટે પર્યાપ્ત સમય આપી શકાય એ હેતુથી આ પ્રકારે કૉફી પીતા હતા. ગ્લાસ ઊલટો હોવાથી કૉફી ગરમ રહેવા ઉપરાંત એમાં કચરો કે જીવાત પડવાનો પણ ભય રહેતો નહોતો.
