° °

આજનું ઇ-પેપર
Saturday, 28 January, 2023


ચીનમાં બનાવાશે તરતું શહેર

05 December, 2022 10:50 AM IST | Beijing
Gujarati Mid-day Correspondent | feedbackgmd@mid-day.com

ડિઝાઇન ઑફિસ દ્વારા ૨૦૧૫માં એનો પ્લાન જાહેર કરવામાં આવ્યો હતો

ચીનમાં બનાવાશે તરતું શહેર Offbeat News

ચીનમાં બનાવાશે તરતું શહેર

સમુદ્રની અંદર તરતા શહેરની એક નવી યોજના તાજેતરમાં જ જાહેર કરવામાં આવી હતી, જેમાં એક સ્થળેથી બીજા સ્થળે જવા માટે સબમરીન માટે ગલીઓ હતી. ચીનના દરિયાકિનારે જો પ્રોજેક્ટ બનશે તો એ અત્યાર સુધીનો સૌથી મહત્ત્વાકાંક્ષી પ્રોજેક્ટ હશે. એની ડિઝાઇન ઑફિસ દ્વારા ૨૦૧૫માં એનો પ્લાન જાહેર કરવામાં આવ્યો હતો જે ગુઆંગડોગ જિલ્લામાં હૉન્ગકૉન્ગ અને મકાઉ વચ્ચે બનાવવામાં આવશે. આ શહેર ૧૫૦ મીટર લાંબા અને ૩૦ મીટર પહોળા કૉન્ક્રીટ પ્રીફૅબ્રિકેટેડ બૉડીનું બનાવેલું હશે. ફ્લોટિંગ શહેરમાં મોટાં જહાજો માટે ક્રુઝ પોર્ટ ટર્મિનલ, નાની યૉટ તથા સબમ​રિન લાગરવા માટે બંદરો હશે. તરતા શહેરને જોડવા માટે પાણીની ઉપર અને અંદર હાઇવે પણ હશે.

હાલ તો આ શહેર જાણે કોઈ કલ્પના હોય એવું લાગે, પણ એ હકીકત બનતાં બહુ સમય નહીં લાગે. સીસીસીસી-એફએચડીઆઇ દ્વારા આ જ ટેક્નૉલૉજીનો ઉપયોગ કરીને ચીનનાં ત્રણ શહેરો હૉન્ગકૉન્ગ, મકાઉ અને ઝુહાઈને જોડતા ૩૧ માઇલ લાંબા પુલ તૈયાર કર્યા હતા. આ પુલમાં એક અન્ડરવૉટર ટનલ પણ છે. ફ્લોટિંગ સિટીની યોજનામાં ષટ્કોણ આકારનાં મૉડ્યુલોની કતાર છે જે એકબીજી સાથે જોડાયેલી હોય છે. શહેરમાં ફ્લોટિંગ હોટેલ અને મનોરંજનની સુવિધાઓ પણ છે જેથી શહેરને આત્મનિર્ભર બનાવી શકાય. વળી ખેતરો પણ બનાવાયાં છે અને કચરો પણ ભેગો કરવામાં આવશે. અજોડ દેખાતું આ જહાજ ૫૫૦ મીટર લાંબું અને ૬૦ મીટર પહોળું હશે. હોટેલ, શૉપિંગ સેન્ટર અને પાર્ક સહિત ૬૦,૦૦૦ મહેમાનો ત્યાં આવી શકશે.

05 December, 2022 10:50 AM IST | Beijing | Gujarati Mid-day Correspondent

અન્ય લેખો

ચિત્ર-વિચિત્ર

બાસ્કેટબૉલ કોર્ટ પર ફૂડ ડિલિવરી

ઉબર ઈટ્સના ફૂડ ડિલિવરીબૉયે ઑર્ડર ડિલિવર કરવા માટે બાસ્કેટબૉલની રમતમાં વિક્ષેપ ઊભો કર્યો હતો.

28 January, 2023 09:42 IST | Mumbai | Gujarati Mid-day Correspondent
ચિત્ર-વિચિત્ર

યુટ્યુબરે અમેરિકાના આકાશમાં ૩૫૦ કિલોમીટરનો ભારતનો નકશો ક્રીએટ કર્યો

રિપબ્લિક ડે પર એક યુટ્યુબરે અમેરિકાના આકાશમાં ભારતનો નકશો બનાવીને ઇતિહાસ સર્જી દીધો છે.

28 January, 2023 09:39 IST | Mumbai | Gujarati Mid-day Correspondent
ચિત્ર-વિચિત્ર

યુવાની પાછી મેળવવા વર્ષે ૧૬.૩૧ કરોડ રૂપિયાનો ખર્ચ

દુનિયાભરમાં અત્યારે ઍન્ટિ એજિંગ ટેક્નૉલૉજી પર કામ થઈ રહ્યું છે. વળી લોકો પણ યંગ દેખાવા માટે વર્કઆઉટ સહિત જાતજાતની કોશિશ કરે છે.

28 January, 2023 09:36 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK