ઉત્તર પ્રદેશમાં કન્યાના ઘરેથી દહેજનો સામાન ભરીને આવેલી ગાડીનું ભાડું આપવાનો વરરાજાના પિતાએ કરેલા ઇનકારના પગલે કન્યા લગ્ન કરવા આવી જ નહીં. શાહજહાંપુરના ખુટાર ગામના યુવાનની સગાઈ લખનઉની યુવતી સાથે કરવામાં આવી હતી.
પ્રતીકાત્મક તસવીર
ઉત્તર પ્રદેશમાં કન્યાના ઘરેથી દહેજનો સામાન ભરીને આવેલી ગાડીનું ભાડું આપવાનો વરરાજાના પિતાએ કરેલા ઇનકારના પગલે કન્યા લગ્ન કરવા આવી જ નહીં. શાહજહાંપુરના ખુટાર ગામના યુવાનની સગાઈ લખનઉની યુવતી સાથે કરવામાં આવી હતી. સોમવારે રાતે એક મૅરેજ-લૉનમાં લગ્નસમારોહ આયોજિત થયો હતો. કન્યાના ઘરવાળાઓએ સવારે જ દહેજનો સામાન ભરેલી ગાડી લગ્નસ્થળે મોકલી આપી હતી અને કન્યાની માતાએ વરરાજાના પિતાને ફોન કરીને આ વાત જણાવીને ગાડીનું ભાડું આપવા કહ્યું હતું. જોકે વરરાજાના પિતાએ ગાડીનું ભાડું આપવાની ના પાડી દીધી હતી અને એના પગલે બન્ને પક્ષ વચ્ચે ફોન પર જ જોરદાર ઝઘડો થયો હતો. ત્યાર બાદ કન્યા પક્ષના લોકો લગ્નસ્થળે પહોંચ્યા હતા અને લગ્નની ના પાડી દીધી હતી. બપોર સુધીમાં આ ઝઘડો પોલીસ-સ્ટેશને પહોંચ્યો હતો અને પછી આ વાત પંચાયત સુધી પહોંચી હતી. જોકે આ બધામાં કોઈ નિર્ણય આવ્યો નહીં. આ બધું જોઈને કન્યા લગ્ન કરવા ખુટાર ગામ પહોંચી જ નહીં અને લગ્નની કરેલી તૈયારીઓ એમની એમ જ રહી ગઈ.
