બાયમાએ નાયરાના ડાબા ગાલ પર લગાતાર સેંકડો પપ્પીઓ કરી હતી
ગિનેસ વર્લ્ડ રેકૉર્ડ બન્યો છે
પત્નીને પપ્પી આપવા જેવા રોમૅન્ટિક કામને પણ કેટલાક લોકોએ રેકૉર્ડબ્રેક બનાવી દીધી છે. બ્રાઝિલના એક યુગલે ૩૦ સેકન્ડમાં સૌથી વધુ કિસ કરવાનો ગિનેસ વર્લ્ડ રેકૉર્ડ બનાવ્યો છે. બ્રાઝિલના સાઓ પાઓલોમાં બાયમા ગેઇઆ અને નાઇરા રૉબર્ટા રિબેઇરા નામના કપલે આ કારનામું કર્યું છે. બાયમાએ નાયરાના ડાબા ગાલ પર લગાતાર સેંકડો પપ્પીઓ કરી હતી. એક તરફ સ્ટૉપવૉચથી સમય નોંધાતો રહ્યો અને દરેક પપ્પી દરમ્યાન થતા અવાજને નોંધીને કિસનું કાઉન્ટિંગ પણ થતું રહ્યું હતું. ૩૦ સેકન્ડમાં ૧૯૫ પપ્પીઓ નોંધાઈ હતી જે ગિનેસ વર્લ્ડ રેકૉર્ડ બન્યો છે.
