તાજેતરમાં સીતામઢી જિલ્લામાં એક બુઝુર્ગ કાકા પોતાના શરીર પર જે કપડાં પહેર્યાં છે એની અંદર જ અગણિત પૉકેટ્સ બનાવીને એમાં દારૂની ડઝનબંધ બૉટલોનું સ્મગલિંગ કરતા ઝડપાયા હતા
પોલીસ પણ આ બુટલેગરને જોઈને દંગ રહી ગઈ છે
ગુજરાતની જેમ બિહારમાં પણ દારૂબંધી છે. જોકે જ્યાં પાબંદી મુકાય ત્યાં જ એની સૌથી વધુ હેરાફેરી થવા લાગે છે. દારૂબંધીના કાયદા પછી કાયદાની નજરમાંથી છટકીને ચોરીછૂપીથી માલ રાજ્યમાં ઘુસાડવાના તેમ જ આંતરિક હેરફેર કરવા માટેના જુગાડો ઊભા થઈ ગયા છે.
તાજેતરમાં સીતામઢી જિલ્લામાં એક બુઝુર્ગ કાકા પોતાના શરીર પર જે કપડાં પહેર્યાં છે એની અંદર જ અગણિત પૉકેટ્સ બનાવીને એમાં દારૂની ડઝનબંધ બૉટલોનું સ્મગલિંગ કરતા ઝડપાયા હતા. પોલીસ પણ આ બુટલેગરને જોઈને દંગ રહી ગઈ છે. વડીલે દારૂની હેરફેર માટે શરીર પર કપડાંની અંદર બૉટલ્સ બાંધી દીધી હતી જેથી પહેલી નજરે કોઈને ખબર જ ન પડે. જોકે બૉડી પર ડઝનબંધ દારૂની બૉટલો હોવાથી તેમની ચાલઢાલ બદલાઈ જતાં તેઓ પોલીસની નજરમાં ચડી ગયા હતા. પોલીસે તેમને પકડીને બૉટલો કાઢી તો એક પછી એક ૫૪ બૉટલ નીકળી હતી.
