૨૧ વર્ષના અમ્પાયર અજિત બાબુની કિશોર નામના દર્શકે ચાકુ હુલાવીને હત્યા કરી દીધી
૨૧ વર્ષના અમ્પાયર અજિત બાબુ
આંધ્ર પ્રદેશના વિશાખાપટનમમાં એક લોકલ ક્રિકેટમૅચ દરમ્યાન એક નાનકડા રનઆઉટના વિવાદમાં એક વ્યક્તિનું ખૂન થઈ ગયું. ૨૧ વર્ષના અમ્પાયર અજિત બાબુની કિશોર નામના દર્શકે ચાકુ હુલાવીને હત્યા કરી દીધી. વાત એમ હતી કે રવિવારે સ્થાનિક ૩ ટીમો વચ્ચે ક્રિકેટ ટુર્નામેન્ટ થઈ હતી. એમાં એક પ્લેયરને રનઆઉટ આપવાના મામલે ખેલાડીઓ અને બન્ને ટીમો વચ્ચે વિવાદ થઈ ગયો. બન્ને અમ્પાયરોએ મળીને આખરે વિવાદ સુલઝાવી લીધો, પરંતુ મૅચ જોવા આવનારા અને એક ટીમને સપોર્ટ કરનારા કિશોર નામના ૨૬ વર્ષના યુવકને લાગતું હતું કે અમ્પાયરે ચીટિંગ કરી છે. તેણે અમ્પાયરને ધમકી આપી કે મૅચ પૂરી થયા પછી હિસાબ સેટલ કરી લઈશ. તેણે મૅચ પત્યા પછી બન્ને અમ્પાયરો પર ચાકુથી હુમલો કર્યો હતો. અજિત બાબુને છાતીમાં ચાકુ વાગતાં તે ઘટનાસ્થળે જ ઢળી પડ્યો હતો. બીજા અમ્પાયરને પણ ઈજા થઈ હતી, પરંતુ તેનો જીવ બચી ગયો.
