બીજી તરફ ઈરાને યુનાઇટેડ આરબ એમિરેટ્સ પર મિસાઇલ છોડી હતી. આ મિસાઇલનું નિશાન અમેરિકન ઍરબેઝ હતાં
ગઈ કાલે તેહરાનમાં કરવામાં આવેલા હુમલાને પગલે ઊઠતો ધુમાડો.
અમેરિકાના પ્રેસિડન્ટ ડોનલ્ડ ટ્રમ્પે હોર્મુઝ સ્ટ્રેટ ખોલવા માટે આપેલી સમયમર્યાદા પૂરી થાય એ પહેલાં ગઈ કાલે ૩૯મા દિવસે યુદ્ધે વધુ ખતરનાક વળાંક લીધો હતો. ઇઝરાયલે ૮ ઈરાની પુલ ઉડાવી દીધા હતા. ઇઝરાયલના વડા પ્રધાન નેતન્યાહુએ કહ્યું હતું કે આપણે એક આતંકવાદી શાસનને કચડી રહ્યા છીએ. ઇઝરાયલી સૈન્યએ ૮ ઈરાની પુલો પર બૉમ્બમારો કરીને નાશ કર્યો છે. ઇઝરાયલી સૈન્યએ એક વિડિયો બહાર પાડીને દાવો કર્યો છે કે એણે ૮ ઈરાની પુલો ઉડાવી દીધા છે. આ હુમલાઓમાં ઈરાની આતંકવાદી શાસન દ્વારા શસ્ત્રો અને લશ્કરી સાધનોના પરિવહન માટે ઉપયોગમાં લેવાતા પુલોને નિશાન બનાવવામાં આવ્યા હતા. આ બ્રિજમાં રેલવે પુલોનો પણ સમાવેશ છે. આ હુમલાઓ તેહરાન, કરાજ, તબ્રીઝ, કાશાન અને કોમ સહિત અનેક વિસ્તારોમાં થયા હતા. હુમલાના પગલે ઈરાનમાં રેલવે-સર્વિસ બંધ કરી દેવામાં આવી છે.
બીજી તરફ ઈરાને યુનાઇટેડ આરબ એમિરેટ્સ પર મિસાઇલ છોડી હતી. આ મિસાઇલનું નિશાન અમેરિકન ઍરબેઝ હતાં. આ સિવાય ઈરાને ઇઝરાયલમાં પણ મિસાઇલો છોડી હતી.
