Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > ચિત્ર-વિચિત્ર > આર્ટિકલ્સ > એકસાથે ૧૫ પેઇન્ટિંગ્સ બનાવતી યુવતીથી આનંદ મહિન્દ્ર પ્રભાવિત, પણ યુઝર્સે એને ગણાવી છેતરપિંડી

એકસાથે ૧૫ પેઇન્ટિંગ્સ બનાવતી યુવતીથી આનંદ મહિન્દ્ર પ્રભાવિત, પણ યુઝર્સે એને ગણાવી છેતરપિંડી

28 October, 2022 09:32 AM IST | Mumbai
Gujarati Mid-day Correspondent | feedbackgmd@mid-day.com

આ વિડિયો નૂરજહાંની ઑફિશ્યલ યુટ્યુબ ચૅનલમાં અપલોડ નથી

એકસાથે ૧૫ પેઇન્ટિંગ્સ બનાવતી યુવતી

Offbeat News

એકસાથે ૧૫ પેઇન્ટિંગ્સ બનાવતી યુવતી


યુટ્યુબ પરનો એક વિડિયો જોઈને બિઝનેસમૅન આનંદ મહિન્દ્રએ સ્કૉલરશિપ ઉપરાંત અન્ય જરૂરી સહાય આપવાની ઑફર કરી છે. જોકે નેટિઝન્સ આ વિડિયોને એક પ્રકારની છેતરપિંડી ગણાવે છે. એક વ્યક્તિ જુદા-જુદા કલરનાં કુલ ૧૫ પેઇન્ટિંગ્સ એકસાથે બનાવે અને એ પણ જરાય ભૂલ વિના એ કઈ રીતે શક્ય બને. આનંદ મહિન્દ્રએ પણ આ કઈ રીતે શક્ય છે એમ જણાવીને નેટિઝન્સને તેના વિશે જાણવા મળે તો તેને સ્કૉલરશિપ તેમ જ અન્ય સહાય પૂરી પાડવાની ઑફર કરી છે.


નૂરજહાં નામની એ આર્ટિસ્ટે ગિનેસ વર્લ્ડ રેકૉર્ડમાં પોતાનું નામ નોંધાવ્યું હોવાના અસંખ્ય દાવા કરવામાં આવ્યા છે, પરંતુ એના પર કોઈ સત્તાવાર પુષ્ટિ થઈ નથી. એક યુટ્યુબ-યુઝરે કહ્યું કે મેં ગિનેસ વર્લ્ડ રેકૉર્ડમાં ક્રૉસ-ચેક કર્યું છે, પરંતુ નૂરજહાંનું નામ એમાં મળ્યું નથી.



વિડિયોની પ્રામાણિકતા પર સવાલ કરનાર લોકો જણાવે છે કે એક કલાકાર એક જ સમયે ૧૫ પેઇન્ટિંગ્સ દોરે છે એ આશ્ચર્યની વાત છે, પણ એથી વધુ આશ્ચર્ય એ વાતનું છે કે લોકો આને સાચું માને છે. અન્ય એક યુઝરે આને એડિટિંગની કળા ગણાવી હતી. મજાની વાત એ છે કે આ વિડિયો નૂરજહાંની ઑફિશ્યલ યુટ્યુબ ચૅનલમાં અપલોડ નથી. એક યુઝરે લખ્યું છે કે આ શક્ય જ નથી. જો આ વિડિયોનો નાનો ભાગ પણ સામાન્ય ગતિમાં બતાવવામાં આવે તો એને વિગતવાર જોઈ શકીએ અને કલાકારની ચોરી પકડી શકાય. વાસ્તવમાં આ પ્રતિભા નથી, છેતરપિંડી જ છે, જે ભૌતિક રીતે કોઈ પણ વ્યક્તિ પ્રાપ્ત કરી શકતું નથી. શ્રેષ્ઠ તસવીરો પહેલાંથી જ ત્યાં છે જેને કવર કરવામાં આવી છે અને તે બધાને એકસાથે ખોલી રહી છે એમ એક વપરાશકારે લખ્યું છે.


Whatsapp-channel Whatsapp-channel

28 October, 2022 09:32 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK