કર્ણાટકના રાયચૂર જિલ્લામાં આવેલા લિંગસુગુર શહેરમાં તાપમાન ૪૫ ડિગ્રીએ પહોંચ્યું હતું
આમલેટ
ધોમધખતા તાપમાં જનજીવન શેકાઈ રહ્યું છે ત્યારે આ ગરમીની તીવ્રતા દર્શાવતા વિડિયો દેશના ખૂણે-ખૂણેથી આવી રહ્યા છે. કર્ણાટકના રાયચૂર જિલ્લામાં આવેલા લિંગસુગુર શહેરમાં તાપમાન ૪૫ ડિગ્રીએ પહોંચ્યું હતું. અહીંના યુવાનોએ લોકોને ગરમીનો પ્રકોપ બતાવવા માટે સૂર્યના તાપમાં જ આમલેટ બનાવી હતી. તેમણે એક તવાને આકરા તડકામાં દોઢ કલાક મૂકી રાખ્યો હતો. આ તવો એટલો ગરમ થઈ ગયો હતો કે ઈંડાને સર્ફેસ પર તોડતાં જ એ તરત રંધાઈ ગયું હતું. આ આમલેટને તેઓ કોઈ પણ ખચકાટ વિના ખાઈ ગયા હતા. સોશ્યલ મીડિયા પર અગાઉ પણ એવા વિડિયો વાઇરલ થયા છે જેમાં ભાત તડકામાં આપમેળે રંધાઈ જાય છે અને બળબળતી જમીન પર રોટલી પણ શેકાઈ જાય છે.
