પૂર્વા હૉલિડેઝ ના તેજસ શાહને પહેલાં દહિસર પોલીસે પકડ્યો, હવે કાંદિવલી પોલીસે તેનો તાબો લીધો છે અને ત્યાર બાદ સમતાનગર પોલીસ-સ્ટેશન પણ કતારમાં છે
તેજસ શાહ
ન્યુ ઝીલૅન્ડ અને સાઉથ આફ્રિકા ફરવા જવા માટે બુકિંગ કરાવનારાઓ પાસેથી લાખો રૂપિયા લીધા બાદ હાથ ઊંચા કરી દેવાના આરોપસર ટૂર-ઑપરેટર તેજસ શાહની પહેલાં દહિસર પોલીસે ધરપકડ કરી હતી અને શુક્રવારે કાંદિવલી પોલીસે તેનો કબજો લીધો હતો. દહિસર પોલીસ-સ્ટેશનમાં આરોપીની ધરપકડ બાદ તેને કોર્ટે જેલ-કસ્ટડી આપી હોવાથી એનો કબજો મેળવવા માટે કાયદાકીય પ્રક્રિયા હાથ ધરવામાં આવી છે એમ જણાવતાં કાંદિવલીના પોલીસ-ઇન્સ્પેક્ટર પ્રવીણ પાટીલે ‘મિડ-ડે’ને કહ્યું હતું કે આ કેસ આર્થિક છેતરપિંડીનો હોવાથી હાલમાં અમે વધુ માહિતી જાહેર કરી શકતા નથી.