સુરક્ષાદળોએ પાંચ ઇમ્પ્રોવાઇઝ્ડ એક્સપ્લોઝિવ ડિવાઇસ (IED), ત્રણ IED ટિફિન-બૉક્સ, બે સ્ટીલની ડોલ, ગૅસ-સિલિન્ડર, બે રેડિયો સેટ, દૂરબીન, વાયરલેસ સેટ સહિતની સામગ્રી મળી આવી છે.
કાશ્મીરમાં મળી આવ્યા ટિફિન-બૉમ્બ આતંકવાદીઓનું મોટું ષડ્યંત્ર
જમ્મુ-કાશ્મીરમાં સુરક્ષાદળોએ આતંકવાદીઓનું મોટું ષડ્યંત્ર નિષ્ફળ કર્યું છે. સેના, જમ્મુ-કાશ્મીર પોલીસના સંયુક્ત સર્ચ-ઑપરેશનમાં સોમવારે પૂંછ જિલ્લાના સૂરનકોટના જંગલમાં મરહોટ વિસ્તારમાં એક આતંકવાદી ઠેકાણાનો પર્દાફાશ થયો છે. સુરક્ષાદળોએ પાંચ ઇમ્પ્રોવાઇઝ્ડ એક્સપ્લોઝિવ ડિવાઇસ (IED), ત્રણ IED ટિફિન-બૉક્સ, બે સ્ટીલની ડોલ, ગૅસ-સિલિન્ડર, બે રેડિયો સેટ, દૂરબીન, વાયરલેસ સેટ સહિતની સામગ્રી મળી આવી છે.
ત્યાર બાદ સુરક્ષાદળોએ વિડિયો સર્વેલન્સ અને ડ્રોન મારફત આતંકવાદીઓની શોધખોળ આદરી હતી. આમ પહલગામ આતંકવાદી હુમલા બાદ ભારતીય સુરક્ષાદળોએ જમ્મુ-કાશ્મીરમાં મોટા પાયે સર્ચ-ઑપરેશન હાથ ધર્યું છે જે હેઠળ આતંકવાદી હુમલાના ૧૬ દિવસ બાદ ભારતીય સેનાને મોટી સફળતા મળી છે.
