‘ધુરંધર’માં અતિક અહેમદનું પાત્ર બતાવ્યા બાદ તેની ગૅન્ગ ફરી થઈ ઍક્ટિવ? જાણો ઘટના

આ ઘટના વચ્ચે, ફિલ્મ ધુરંધર 2 પણ ચર્ચાનો વિષય બની છે, કારણ કે તેમાં અતિક અહેમદના જીવન પર આધારિત એક પાત્ર દર્શાવવામાં આવ્યું છે. આ ફિલ્મ અતિક અહેમદ અને પાકિસ્તાનની ગુપ્તચર એજન્સી, ઇન્ટર-સર્વિસિસ ઇન્ટેલિજન્સ (ISI) વચ્ચેના કથિત સંબંધોને પણ દર્શાવે છે.

વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)

સોશિયલ મીડિયા પર ફિલ્મ ‘ધુરંધર : ધ  રિવેન્જ’નો એક સીન જેમાં ભૂતપૂર્વ લોકસભા સાંસદ અને માફિયા ડૉન અતિક અહેમદની હત્યાનું દ્રશ્ય બતાવવામાં આવી છે તે હવે વીડિયો વાયરલ થઈ રહ્યો છે. એક તરફ ફિલ્મમાં સીનનો વીડિયો જોઈ લોકો ચોંકી ગયા ત્યાં બીજી તરફ પ્રયાગરાજમાં અતિક અહેમદના કેટલાક ગુંડાઓએ શહેરમાં ફરી હિંસક ઘટના માટે જવાબદાર બન્યા હોવાના અહેવાલ છે. ભૂતપૂર્વ લોકસભા સાંસદ અને માફિયા ડૉન અતિક અહેમદના કથિત સાથીઓએ એક પ્રોપર્ટી ડીલર પર હુમલો કર્યો છે અને ઘટનાનો વીડિયો હવે સામે આવ્યો છે.

ઘટનાની વિગતો

ADVERTISEMENT

આ ઘટના 17 માર્ચ, 2026 ના રોજ રાત્રે લગભગ 11:30 વાગ્યે ખુલદાબાદ વિસ્તારમાં બની હતી. 45 વર્ષીય પ્રોપર્ટી ડીલર મુઝમ્મિલ તેના કાકા મોહમ્મદ જસીમ સાથે અટાલા વિસ્તારમાં કબાબ અને પરાઠાની દુકાનમાં ગયો હતો. તે જ સમયે, નવાબગંજનો રહેવાસી મોહમ્મદ સાકિબ 10 થી 12 સાથીઓ સાથે ઘટનાસ્થળે પહોંચ્યો. એવો આરોપ છે કે તેણે મુઝમ્મિલ પર શારીરિક હુમલો કરતા પહેલા તેને ગાળો આપી હતી. હુમલામાં મુઝમ્મિલને ગંભીર ઈજાઓ થઈ હતી અને તે લોહીથી લથપથ હાલતમાં પડી ગયો હતો. ઘટનાના સીસીટીવી ફૂટેજ પણ સામે આવ્યા છે, જેમાં શારીરિક ઝઘડાનું સ્પષ્ટ ચિત્રણ છે.

પોલીસનું નિવેદન અને કાર્યવાહી

Moradabad, Uttar Pradesh: On the portrayal of Mafia Don Atiq Ahmed`s direct connection to ISI in the movie Dhurandhar 2, Samajwadi Party leader S. T. Hasan says, ``See, who they were connected to and who they were not, our police know this very well. Whether it was the ISI, CIA,… pic.twitter.com/IWpb9LGFO2

— IANS (@ians_india) March 19, 2026

ઉત્તર પ્રદેશ પોલીસે આ મામલે એક નિવેદન જાહેર કર્યું છે. પોલીસના જણાવ્યા અનુસાર, બન્ને પક્ષો એક જ સમુદાયના છે અને લાંબા સમયથી જમીન વિવાદમાં સંડોવાયેલા છે. પોલીસે જણાવ્યું હતું કે, "17 માર્ચ, 2026 ના રોજ, ખુલદાબાદ પોલીસ સ્ટેશનના અધિકારક્ષેત્રમાં આવેલા અટાલા વિસ્તારમાં એક રેસ્ટોરન્ટમાં બન્ને પક્ષો એકબીજાનો સામનો કરી રહ્યા હતા, જેના પગલે આરોપીઓએ ફરિયાદી પર હુમલો કર્યો હતો. ફરિયાદના આધારે, ખુલદાબાદ પોલીસ સ્ટેશનમાં એફઆઈઆર નંબર 25/2026 નોંધવામાં આવી છે, અને આરોપીઓને પકડવા માટે પોલીસ ટીમોની રચના કરવામાં આવી છે. ઘટનાસ્થળે કાયદો અને વ્યવસ્થા નિયંત્રણમાં છે."

તપાસ ચાલુ છે, હજી સુધી કોઈ ધરપકડ નથી

ખુલ્દાબાદ પોલીસ સ્ટેશનમાં કેસ નોંધાયા હોવા છતાં, ઘટના બન્યાના ત્રણ દિવસ પછી પણ કોઈ ધરપકડ કરવામાં આવી નથી. પોલીસનું કહેવું છે કે આરોપીઓની શોધ ચાલુ છે.

ફિલ્મ અને વિવાદ વચ્ચેની શું છે કડી

આ ઘટના વચ્ચે, ફિલ્મ ધુરંધર 2 પણ ચર્ચાનો વિષય બની છે, કારણ કે તેમાં અતિક અહેમદના જીવન પર આધારિત એક પાત્ર દર્શાવવામાં આવ્યું છે. આ ફિલ્મ અતિક અહેમદ અને પાકિસ્તાનની ગુપ્તચર એજન્સી, ઇન્ટર-સર્વિસિસ ઇન્ટેલિજન્સ (ISI) વચ્ચેના કથિત સંબંધોને પણ દર્શાવે છે.