સૌથી ભાવનાત્મક દૃશ્ય ત્યારે જોવા મળ્યું જ્યારે ઉપરથી સતત પથ્થરો પડી રહ્યા હતા
વાઇરલ વિડીયોમાંથી સ્ક્રીનશૉટ
હિમાચલ પ્રદેશના ચંબામાં ભારે વરસાદને કારણે ઘણી જગ્યાએ ભૂસ્ખલન થતાં રસ્તાઓ બ્લૉક થઈ ગયા હતા. એવા સમયે ઑક્સિજન સપોર્ટ પર રહેલું ૭ મહિનાનું બાળક તેના પરિવાર સાથે રસ્તામાં ફસાઈ ગયું હતું. પરિસ્થિતિની ગંભીરતાને જોતાં નૅશનલ હાઇવેઝ ઑથોરિટી ઑફ ઇન્ડિયા (NHAI)ની ટીમના સભ્યએ સમય બગાડ્યા વિના બાળકને પોતાના ખોળામાં ઉપાડીને પૅટ્રોલિંગ વાહનમાં બેસાડીને સુરક્ષિત રીતે હૉસ્પિટલ પહોંચાડ્યું હતું. એ જ સમયે એક મહિલા દરદીની ઍમ્બ્યુલન્સ પણ રસ્તો બ્લૉક થવાને કારણે ફસાઈ હતી. NHAI ટીમે તેને પણ કાળજીપૂર્વક બીજી બાજુ પાર્ક કરેલી ઍમ્બ્યુલન્સમાં પહોંચાડી હતી, જ્યાંથી તેને તાત્કાલિક હૉસ્પિટલ લઈ જવામાં આવી હતી.
સૌથી ભાવનાત્મક દૃશ્ય ત્યારે જોવા મળ્યું જ્યારે ઉપરથી સતત પથ્થરો પડી રહ્યા હતા અને NHAIનો કર્મચારી બાળકને સુરક્ષિત રીતે લઈ જવા માટે પોતાનો જીવ જોખમમાં મૂકીને દોડી રહ્યો હતો.
હિમાચલ પ્રદેશમાં ભૂસ્ખલનઃ તાતા સુમો પર પડ્યા પથ્થરો, ૧૩ જણે જીવ ગુમાવ્યા
ADVERTISEMENT
હિમાચલ પ્રદેશના આદિવાસી જિલ્લા લાહૌલ-સ્પીતિમાં ગઈ કાલે તાતા સુમો ટૅક્સી પથ્થરોના કાટમાળ નીચે દબાઈ જતાં મુસાફરી કરી રહેલા ૧૫માંથી ૧૩ લોકોએ જીવ ગુમાવ્યા હતા, જેમાં ૬ મહિનાના બાળકનો પણ સમાવેશ થાય છે.
