° °

આજનું ઇ-પેપર
Monday, 06 December, 2021


લખીમપુર કેસની તપાસ કરવા નિવૃત્ત ન્યાયાધીશ સહિત નવી તપાસ ટીમ ખેરી પહોંચી, ઘટના સ્થળની મુલાકાત લીધી

25 November, 2021 08:55 PM IST | Lucknow | Gujarati Mid-day Online Correspondent

અધિકારીઓની ટીમે ઘટનાસ્થળનું ખૂબ નજીકથી નિરીક્ષણ કર્યું હતું.

ફોટો/પીટીઆઈ

ફોટો/પીટીઆઈ

ટિકુનિયા ઘટનાની તપાસ માટે સુપ્રીમ કોર્ટના નિર્દેશો પર રચાયેલી એક ઉચ્ચ સ્તરીય ટીમ ગુરુવારે લખીમપુર ખેરી પહોંચી હતી. પંજાબ હરિયાણા હાઈકોર્ટના નિવૃત્ત જજ અને યુપી કેડરના ત્રણ વરિષ્ઠ આઈપીએસ અધિકારીઓની ટીમે ઘટનાસ્થળની મુલાકાત લીધી હતી.

અધિકારીઓની ટીમે ઘટનાસ્થળનું ખૂબ નજીકથી નિરીક્ષણ કર્યું હતું. આ દરમિયાન સ્થળ સીલ કરવામાં આવ્યું હતું. આપને જણાવી દઈએ કે સુપ્રીમ કોર્ટે 17 નવેમ્બરે તપાસ ટીમનું પુનર્ગઠન કર્યાના આઠ દિવસ બાદ પહેલીવાર તપાસ ટીમ ખેરી પહોંચી હતી.

ટીમે ટીકુનિયા જઈને સ્થળની મુલાકાત પણ લીધી હતી. સુપ્રીમ કોર્ટે તપાસ ટીમની દેખરેખ પંજાબ અને હરિયાણા હાઈકોર્ટના નિવૃત્ત ન્યાયાધીશ રાકેશ કુમાર જૈનને સોંપી છે અને ટીમમાં ત્રણ આઈપીએસ અધિકારીઓનો વધારો કર્યો છે. જેમાં એડીજી ઈન્ટેલિજન્સ એસબી શિરોડકર, આઈજી રિક્રુટમેન્ટ બોર્ડ પદ્મજા ચૌહાણ અને ડીઆઈજી સહારનપુર પ્રીતિન્દર સિંહનો સમાવેશ છે.

આ બધા ગુરુવારે સવારે 11 વાગે ખેરી પહોંચ્યા હતા, જ્યાં ડીએમ અને એસપી દ્વારા તેમનું સ્વાગત કરવામાં આવ્યું અને ત્યારબાદ એસપી સંજીવ સુમન સહિતની આખી ટીમ ટીકુનિયાના સ્થળ માટે રવાના થઈ હતી. ટીમ એક વાગ્યે ત્યાં પહોંચી હતી અને સ્થળનું નિરીક્ષણ કર્યું હતું.

આ ઉપરાંત અગ્રસેન ઈન્ટર કોલેજ અને મંત્રીના ગામ બનેવીરપુરની પણ મુલાકાત લીધી હતી. બે કલાક બાદ ટીમ ચાર વાગે પરત ફરી છે અને કેપ્ટન સહિત તમામ આઈપીએસ અધિકારીઓ ગેસ્ટ હાઉસમાં બેસીને ચર્ચા પણ કરી છે. ઉલ્લેખનીય છે કે 3 ઓક્ટોબરે ટિકુનિયામાં હિંસા થઈ હતી. જેમાં ચાર ખેડૂતો સહિત આઠ લોકોના મોત થયા હતા.

25 November, 2021 08:55 PM IST | Lucknow | Gujarati Mid-day Online Correspondent

અન્ય લેખો

રાષ્ટ્રીય સમાચાર

ન્યુઝ શોર્ટમાં : એક ક્લિકમાં વાંચો દેશ-પરદેશના સમાચાર

હૈદરાબાદનો ગટ્ટીપલ્લી ડ્રાઇવિંગ-લાઇસન્સ મેળવનાર દેશનો પ્રથમ વામન બન્યો; ખુલ્લામાં કચરો નાખનારના ઘર સામે રામધૂન ગવાશે અને વધુ સમાચાર

06 December, 2021 08:10 IST | New Delhi | Gujarati Mid-day Correspondent
રાષ્ટ્રીય સમાચાર

Omicron:દિલ્હીમાં પણ એક કેસ આવ્યો સામે, આ વેરિયન્ટથી દેશમાં કુલ 5 લોકો સંક્રમિત

દિલ્હીના સ્વાસ્થ્ય મંત્રી સત્યેન્દ્ર જૈને આ વાતની પુષ્ટિ કરી છે.

05 December, 2021 02:31 IST | Mumbai | Gujarati Mid-day Online Correspondent
રાષ્ટ્રીય સમાચાર

ICMRના વૈજ્ઞાનિકોનો દાવો, ઓમિક્રોન જલદી ફેલાય છે, તેથી તે ઘાતકી નથી!

ભારતમાં ઓમિક્રોનના અત્યાર સુધીમાં પાંચ કેસ નોંધાયા છે. આ કેસ ગુજરાત, કર્ણાટક, મહારાષ્ટ્ર અને દિલ્હીમાં સામે આવ્યાં છે.

05 December, 2021 02:40 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK