પ્રવાસીઓની ભારે માગને કારણે ભારતીય રેલવે મુંબઈ-અમદાવાદ માર્ગ પર 20 કોચવાળી વંદે ભારત ટ્રેન શરૂ કરવાની યોજના બનાવી રહ્યા છે. હાલ આ રૂટ પર 16 કોચવાળી બે વંદે ભારત ચાલે છે. પ્રત્યેક ટ્રેન 100 ટકા ક્ષમતા પર ચાલે છે.
વંદે ભારત (ફાઈલ તસવીર)
પ્રવાસીઓની ભારે માગને કારણે ભારતીય રેલવે મુંબઈ-અમદાવાદ માર્ગ પર 20 કોચવાળી વંદે ભારત ટ્રેન શરૂ કરવાની યોજના બનાવી રહ્યા છે. હાલ આ રૂટ પર 16 કોચવાળી બે વંદે ભારત ચાલે છે. પ્રત્યેક ટ્રેન 100 ટકા ક્ષમતા પર ચાલે છે.
ટ્રાયલ થયું શરૂ
એક અધિકારી પ્રમાણે, 20 કોચવાળી એક્સપ્રેસનું ટ્રાયલ 9 ઑગસ્ટના સવારે 7 વાગ્યે થયું. આ એક્સપ્રેસ અમદાવાદથી નીકળી. રેલવે અધિકારીઓ પ્રમાણે, ટ્રેનના એન્જિનો દ્વારા ખેંચવામાં આવશે કારણકે નવા કૉન્ફિગરેશન માટે ગતિ પ્રમાણપત્ર હજી પણ જાહેર કરવામાં આવ્યા નથી.
ADVERTISEMENT
એક અધિકારી પ્રમાણે, 16 કોચવાળી વંદે ભારત ટ્રેનમાં 1,128 પ્રવાસીઓના બેસવાની ક્ષમતા છે. પ્રથમ શ્રેણીના બે ડબ્બામાં પ્રત્યેકમાં 52 લોકોના બેસવાની ક્ષમતા છે અને બાકી ચૅર કાર ડબ્બામાં પ્રત્યેકમાં 78 લોકોના બેસવાની ક્ષમતા છે. નવી 20 કોચવાળી ટ્રેનની ક્ષમતા લગભગ 25 ટકા વધવાની આશા છે, જેથી પ્રવાસીઓને વધારાનો આરામ અને સુવિધા મળશે.
અમદાવાદ-મુંબઈ વચ્ચે 20 કોચવાળી પહેલી વંદે ભારત ટ્રેનની ટ્રાયલ રન શરૂ થઈ ગઈ છે. 20 કોચવાળી પહેલી વંદે ભારત ટ્રેન 130 કિલોમીટર પ્રતિ કલાકની ઝડપે ટ્રાયલ કરવામાં આવી રહી છે. 20 કોચવાળી પહેલી વંદે ભારત ટ્રેન આજે સવારે 7 વાગ્યે અમદાવાદથી રવાના થઈ હતી.
તેની ટ્રાયલ રન અમદાવાદથી વડોદરા-સુરત થઈને બપોરે 12:15 કલાકે મુંબઈ સેન્ટ્રલ પહોંચ્યા બાદ સમાપ્ત થશે. હાલમાં દેશના મોટા શહેરો વચ્ચે વંદે ભારત ટ્રેનમાં 16 કોચ અને નાના શહેરો વચ્ચે 8 કોચ ચલાવવામાં આવે છે. હાલમાં, અમદાવાદ અને મુંબઈ વચ્ચે દરેક 16 કોચની બે વંદે ભારત ટ્રેન દોડી રહી છે. અમદાવાદથી 20 કોચની વંદે ભારત ટ્રેનના ટ્રાયલ રન દરમિયાન, પહેલાથી ચાલી રહેલા 14C + 2E કોચમાં વધુ 4C કોચ ઉમેરવામાં આવ્યા છે.
વંદે ભારત ટ્રેનના 100 ટકા પ્રતિસાદ અને ઓક્યુપન્સીને ધ્યાનમાં રાખીને, ટ્રાયલ રનની સફળતા બાદ દેશની પ્રથમ 20 કોચવાળી વંદે ભારત ટ્રેન ચલાવવામાં આવશે. હાલની 16 કોચવાળી વંદે ભારત ટ્રેનને 20 કોચ સાથે 130 કિલોમીટર પ્રતિ કલાકની ઝડપે ટ્રાયલ ચલાવવામાં આવી રહી છે અને એ જોવા માટે કે કોચની સંખ્યા વધારવાથી સ્પીડમાં કોઈ ફરક પડે છે કે કેમ અને ટ્રેનને અમદાવાદથી મુંબઈ સેન્ટ્રલ સુધી કેટલો સમય લાગે છે.
તમને જણાવી દઈએ કે `મિશન રફ્તાર` પ્રોજેક્ટ પાંચ વર્ષ પહેલા દિલ્હી અને મુંબઈ વચ્ચે 160 કિમી પ્રતિ કલાકની ઝડપે ટ્રેન ચલાવવા માટે શરૂ કરવામાં આવ્યો હતો, જે અંતર્ગત પહેલા 130 કિમી અને પછી 160 કિમી સુધી અલગ-અલગ ટ્રાયલ કરવામાં આવશે. લાંબા અંતરને આવરી લેતી ટ્રેનો મુસાફરોને સલામત અને ટૂંકા સમયમાં આપવામાં આવશે.
