° °

આજનું ઇ-પેપર
Wednesday, 06 July, 2022


બંગાળમાં હવે મમતા જ તમામ યુનિવર્સિટીઓનાં ચાન્સેલર

27 May, 2022 11:16 AM IST | Kolkata
Agency

આ નિર્ણયની સાથે જ રાજ્યપાલ અને રાજ્ય સરકાર વચ્ચેની લડાઈ વધુ તીવ્ર બનવાની શક્યતા

મમતા બેનર્જી

મમતા બેનર્જી

પશ્ચિમ બંગાળમાં મમતા બૅનરજીની સરકારે ગઈ કાલે ઐતિહાસિક નિર્ણય કર્યો હતો. રાજ્ય સરકારે બંગાળમાં રાજ્ય દ્વારા સંચાલિત તમામ યુનિવર્સિટીઓના ચાન્સેલર રાજ્યપાલને બદલે મુખ્ય પ્રધાનને બનાવવા માટે વિધાનસભામાં એક બિલ રજૂ કરવાનો નિર્ણય કર્યો છે.   
છેલ્લા કેટલાક સમયથી શાસક તૃણમૂલ કૉન્ગ્રેસનું સુકાન સંભાળી રહેલાં બૅનરજી અને રાજ્યપાલ જગદીપ ધનકર વચ્ચે લડાઈ ચાલી રહી છે ત્યારે આ પગલાથી ચોક્કસ એ વધુ તીવ્ર બનશે. રાજ્યના શાસક પક્ષના નેતાઓ અવારનવાર એવો આરોપ મૂકતા રહ્યા છે કે રાજ્યપાલ મહત્ત્વના મુદ્દાઓ પર કેન્દ્ર સરકાર સાથે મળીને મમતા બૅનરજી સરકારને હેરાન કરે છે. 
બંગાળના શિક્ષણપ્રધાન બ્રત્ય બાસુએ કહ્યું હતું કે ‘રાજ્યની કૅબિનેટે રાજ્યપાલને બદલે મુખ્ય પ્રધાનને સરકાર દ્વારા સંચાલિત તમામ યુનિવર્સિટીઓનાં ચાન્સેલર બનાવવા માટેની દરખાસ્તને એની મંજૂરી આપી છે. આ દરખાસ્ત ટૂંક સમયમાં વિધાનસભામાં બિલ તરીકે રજૂ કરવામાં આવશે.’
આ વર્ષે જાન્યુઆરીમાં ધનકરે આરોપ મૂક્યો હતો કે બંગાળમાં ૨૫ સરકારી યુનિવર્સિટીઓનાં વાઇસ ચાન્સેલરની તેમની મંજૂરી વિના જ નિમણૂક કરવામાં આવી હતી. 
જોકે મમતા બૅનરજી સરકારે દાવો કર્યો હતો કે રાજ્યપાલે સર્ચ કમિટી દ્વારા પસંદ કરાયેલા વાઇસ ચાન્સેલર્સના નામને મંજૂર કરવા જોઈતા હતા. જો તેઓ ના પાડે તો શિક્ષણ વિભાગ પાસે એના નિર્ણયનો અમલ કરવાનો અધિકાર છે.

27 May, 2022 11:16 AM IST | Kolkata | Agency

અન્ય લેખો

રાષ્ટ્રીય સમાચાર

પ્રજા પર ફરી મોંઘવારીનો માર, ગેસ સિલિન્ડરના ભાવમાં અધધ વધારો, જાણો વિગતો

ઘરેલું ગેસ સિલિન્ડર (Gas Cylinder Price) આજથી મોંઘા થઈ ગયા છે. ઘરેલુ 14.2 કિલોના એલપીજી સિલિન્ડરની કિંમતમાં 50 રૂપિયા પ્રતિ સિલિન્ડરનો વધારો થયો છે.

06 July, 2022 12:20 IST | Mumbai | Gujarati Mid-day Correspondent
રાષ્ટ્રીય સમાચાર

‘કાલી’ ફિલ્મના વિવાદાસ્પદ પોસ્ટરને લઈને દિલ્હી અને લખનઉમાં થઈ ફરિયાદ

ડૉક્યુમેન્ટરી ફિલ્મ ‘કાલી’ના વિવાદાસ્પદ પોસ્ટરને લઈને ફિલ્મમેકર લીના મણિમેકલાઇ વિરુદ્ધ દિલ્હી અને લખનઉમાં પોલીસ ફરિયાદ નોંધવામાં આવી છે.

06 July, 2022 11:04 IST | Mumbai | Gujarati Mid-day Correspondent
રાષ્ટ્રીય સમાચાર

લક્ષ્મણરેખા ઓળંગવામાં આવી

ભૂતપૂર્વ જજો અને બ્યુરોક્રેટ્સના એક ગ્રુપે બીજેપીનાં સસ્પેન્ડેડ પ્રવક્તાં નૂપુર શર્મા વિરુદ્ધનાં સુપ્રીમ કોર્ટના તાજેતરના ઑબ્ઝર્વેશન્સની ગઈ કાલે ટીકા કરી હતી.

06 July, 2022 10:44 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK