° °

આજનું ઇ-પેપર
Monday, 17 January, 2022


સ્વદેશી યુદ્ધજહાજ વિક્રાંતની ત્રીજી ટ્રાયલની શરૂઆત

10 January, 2022 10:42 AM IST | New Delhi | Gujarati Mid-day Correspondent

ભારતમાં નિર્માણ પામેલ ૪૦,૦૦૦ ટનના આ વિમાનવાહક જહાજે પહેલાં ગયા વર્ષે ઑગસ્ટ મહિનામાં પાંચ દિવસ માટે તો ઑક્ટોબરમાં ૧૦ દિવસ માટે સમુદ્રી સફર ખેડી હતી

સ્વદેશી યુદ્ધજહાજ વિક્રાંત

સ્વદેશી યુદ્ધજહાજ વિક્રાંત

ભારતીય નૌકાદળમાં ઑગસ્ટ મહિનામાં સામેલ થતાં પહેલાં ભારતમાં નિર્મિત વિમાનવાહક જહાજ વિક્રાંત ગઈ કાલે વધુ એક ટ્રાયલ પર નીકળ્યું હતું. ભારતમાં નિર્માણ પામેલ ૪૦,૦૦૦ ટનના આ વિમાનવાહક જહાજે પહેલાં ગયા વર્ષે ઑગસ્ટ મહિનામાં પાંચ દિવસ માટે તો ઑક્ટોબરમાં ૧૦ દિવસ માટે સમુદ્રી સફર ખેડી હતી. નૌકાદળના પ્રવક્તા વિવેક મઢવાલે કહ્યું હતું કે વિવિધ પરિસ્થિતિમાં આ જહાજ કેવી રીતે કાર્ય કરે છે એની ચકાસણી કરવામાં આવશે. અંદાજે ૨૩,૦૦૦ કરોડ રૂપિયાના ખર્ચે આ જહાજનું નિર્માણ કરવામાં આવ્યું છે. થોડા દિવસો પહેલાં જ કોચીમાં રાષ્ટ્રપતિ રામનાથ કોવિંદ અને ઉપરાષ્ટ્રપતિ એમ. વેન્કૈયા નાયડુએ વિક્રાંતની મુલાકાત લીધી હતી. 
જહાજની પહેલી ટ્રાયલ દરમ્યાન એના બેસિક ઑપરેશનની ચકાસણી કરવામાં આવી હતી તો બીજી ટ્રાયલ દરમ્યાન વિવિધ મશીનરી ટ્રાયલ્સ અને ફલાઇટ ટ્રાયલ્સના સંદર્ભમાં એની ગતિને ચકાસવામાં આવી હતી. યુદ્ધજહાજે બીજી ટ્રાયલમાં જ એની ઉપયોગિતા સાબિત કરી દીધી હતી. બીજી ટ્રાયલમાં જ વિવિધ નૌકાકૌશલ્યની કસોટી પર પણ આ જહાજ ખરું ઊતર્યું હતું. વિશાખાપટ્ટનમાં આવેલી ડીઆરડીઓના નેવલ સાયન્સ ઍન્ડ ટેક્નૉલૉજિકલ લૅબોરેટરીના કેટલાક વૈજ્ઞાનિકો વિક્રાંતની ત્રીજી ટ્રાયલના સાક્ષી બન્યા છે. આ યુદ્ધજહાજ પર મિગ-૨૯ કે ફાઇટર જેટ, કામોવ-૩૧ હેલિકૉપ્ટર, એમએચ-૬૦આર મલ્ટિ રોલ હેલિકૉપ્ટરનું સંચાલન કરી શકાશે. આ યુદ્ધજહાજમાં અલગ-અલગ ૨૩૦૦ કમ્પાર્ટમેન્ટ છે જેમાં મહિલા ઑફિસરો માટે અલગ કેબિન સહિત કુલ ૧૭૦૦ ક્રૂ મેમ્બરોને સમાવવાની ક્ષમતા છે. આ જહાજ સૌથી વધુ ૨૮ માઇલની ઝડપે જઈ શકે છે તેમ જ તેની લંબાઈ ૨૬૨ મીટર, પહોળાઈ ૬૨ મીટર અને ઊંચાઈ ૫૯ મીટર છે. એનું નિર્માણ ૨૦૦૯માં શરૂ થયું હતું.  

10 January, 2022 10:42 AM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

રિપબ્લિક ડે માટે બંગાળનો ટેબ્લો રિજેક્ટ થતાં મમતાએ મોદીને પત્ર લખ્યો

આ પ્રસ્તાવિત ટેબ્લો નેતાજી સુભાષચન્દ્ર બોઝની ૧૨૫મી જન્મજયંતીએ તેમને અને તેમની ઇન્ડિયન નૅશનલ આર્મીને સમર્પિત હતો

17 January, 2022 09:22 IST | Kolkata | Gujarati Mid-day Correspondent
રાષ્ટ્રીય સમાચાર

મુલાયમની પુત્રવધૂ કદાચ બીજેપીમાં જશે, પંજાબના સીએમનો ભાઈ અપક્ષ ઉમેદવાર તરીકે

ઉત્તર પ્રદેશ વિધાનસભાની ચૂંટણી પહેલાં નેતાઓ દ્વારા પક્ષપલટાનો સિલસિલો ચાલી રહ્યો છે

17 January, 2022 09:11 IST | Lucknow | Gujarati Mid-day Correspondent
રાષ્ટ્રીય સમાચાર

યુપીમાં ૨૮ કિલો વિસ્ફોટક સામગ્રી સાથે ત્રણની ધરપકડ

વિધાનસભાની ચૂંટણીઓમાં આ વિસ્ફોટક સામગ્રીનો ઉપયોગ થવાનો હતો

17 January, 2022 08:34 IST | Banda | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK