ગઈ કાલે લખનઉમાં સમાજવાદી પાર્ટીની ઑફિસની બહાર સેંકડો લોકો ‘વર્ચ્યુઅલ રૅલી’ અટેન્ડ કરવા માટે પહોંચ્યા હતા
સમાજવાદી પાર્ટીના અધ્યક્ષ અખિલેશ યાદવ
ઉત્તર પ્રદેશ સહિત પાંચ રાજ્યોની વિધાનસભાની ચૂંટણીઓમાં ચૂંટણી પંચ દ્વારા વર્ચ્યુઅલ પ્રચાર પર ભાર મૂકવામાં આવ્યો છે, પરંતુ ગ્રાઉન્ડ રિયલિટી કંઈક અલગ જ છે. ગઈ કાલે લખનઉમાં સમાજવાદી પાર્ટીની ઑફિસની બહાર સેંકડો લોકો ‘વર્ચ્યુઅલ રૅલી’ અટેન્ડ કરવા માટે પહોંચ્યા હતા. લખનઉ પોલીસે અહીં એકત્ર થયેલા ટોળાને વિખેરવાની કોશિશ કરી હતી. આ ‘વર્ચ્યુઅલ પ્રચાર કાર્યક્રમ’માં સમાજવાદી પાર્ટીના અધ્યક્ષ અખિલેશ યાદવની સાથે ઉત્તર પ્રદેશના ભૂતપૂર્વ પ્રધાન સ્વામી પ્રસાદ મૌર્ય અને ધરમ સિંહ સૈની તેમ જ અન્ય ધારાસભ્યો જોવા મળ્યા હતા.