મુખ્ય વિરોધ પક્ષના પ્રતિનિધિમંડળમાં રાજ્યસભામાં વિરોધ પક્ષના નેતા મલ્લિકાર્જુન ખડગે, લોકસભામાં કૉંગ્રેસના નેતા અધીર રંજન ચૌધરી, વરિષ્ઠ નેતાઓ પી ચિદમ્બરમ, જયરામ રમેશ અને અન્ય ઘણા લોકો સામેલ હતા
ફાઇલ તસવીર
કૉંગ્રેસના વરિષ્ઠ નેતાઓનું એક પ્રતિનિધિમંડળ સોમવારે રાષ્ટ્રપતિ રામ નાથ કોવિંદને મળ્યું હતું અને નેશનલ હેરાલ્ડ કેસમાં એન્ફોર્સમેન્ટ ડિરેક્ટોરેટ દ્વારા રાહુલ ગાંધીની પૂછપરછના વિરોધ દરમિયાન દિલ્હી પોલીસ દ્વારા પાર્ટીના કેટલાક સાંસદો સાથે ગેરવર્તન અને અગ્નિપથ યોજનાનો મુદ્દો ઉઠાવ્યો હતો.
મુખ્ય વિરોધ પક્ષના પ્રતિનિધિમંડળમાં રાજ્યસભામાં વિરોધ પક્ષના નેતા મલ્લિકાર્જુન ખડગે, લોકસભામાં કૉંગ્રેસના નેતા અધીર રંજન ચૌધરી, વરિષ્ઠ નેતાઓ પી ચિદમ્બરમ, જયરામ રમેશ અને અન્ય ઘણા લોકો સામેલ હતા. કૉંગ્રેસના વરિષ્ઠ નેતાઓ અને કેટલાક સાંસદોએ પણ સંસદ ભવનથી વિજય ચોક સુધી કૂચ કરી હતી.
ADVERTISEMENT
કૉંગ્રેસ પર ગેરવર્તણૂકનો આરોપ
કૉંગ્રેસનો આરોપ છે કે રાહુલ ગાંધીની એન્ફોર્સમેન્ટ ડિરેક્ટોરેટની પૂછપરછના વિરોધ દરમિયાન ગયા અઠવાડિયે દિલ્હી પોલીસના કર્મચારીઓએ પાર્ટીના કેટલાક સાંસદો સાથે ગેરવર્તણૂક કરી હતી અને પાર્ટી હેડક્વાર્ટરની અંદર ઘૂસીને કાર્યકરોને માર માર્યો હતો.
કૉંગ્રેસના નેતાઓએ કરેલા તમામ આક્ષેપોને પોલીસે ફગાવી દીધા હતા. મુખ્ય વિરોધ પક્ષ `અગ્નિપક્ષ` યોજનાનો પણ વિરોધ કરી રહ્યો છે. તેમનું કહેવું છે કે આ દેશ અને સેનાના હિતની વિરુદ્ધ છે.
રાહુલ ગાંધી સવારે 11.15 વાગ્યે ED ઓફિસ પહોંચ્યા
તમને જણાવી દઈએ કે નેશનલ હેરાલ્ડ કેસમાં એન્ફોર્સમેન્ટ ડિરેક્ટોરેટે સોમવારે રાહુલ ગાંધીની ચોથી વખત પૂછપરછ કરી હતી. રાહુલ ગાંધી આજે સવારે લગભગ 11.15 વાગ્યે ED ઓફિસ પહોંચ્યા હતા. અગાઉ, એન્ફોર્સમેન્ટ ડિરેક્ટરે સોમવારથી બુધવાર સુધી સતત ત્રણ દિવસ પૂર્વ કૉંગ્રેસ અધ્યક્ષની પૂછપરછ કરી હતી. કૉંગ્રેસના નેતાઓએ ફરી એકવાર રાહુલ ગાંધીની EDની પૂછપરછનો વિરોધ કર્યો હતો.
એન્ફોર્સમેન્ટ ડિરેક્ટોરેટે 17 જૂને રાહુલ ગાંધીને ફરીથી પૂછપરછ માટે બોલાવ્યા હતા પરંતુ તેમણે EDને પત્ર લખીને પૂછપરછની કાર્યવાહી આગળ વધારવા વિનંતી કરી હતી. રાહુલ ગાંધીએ તેમની માતા સોનિયા ગાંધીની તબિયતને ટાંકીને થોડા દિવસનો સમય માગ્યો હતો.