દિલ્હીના વેપારીઓની સોનિયા ગાંધીને અપીલઃ તમે અમારી છેલ્લી આશા, રૅલી મુલતવી રાખો

આ રૅલીને કારણે ૨૦ મુખ્ય બજારોમાં અંદાજે ૧૨,૦૦૦ કરોડ રૂપિયાનું વેપારી નુકસાન થઈ શકે છે.’

રામલીલા મેદાનમાં પાણી અને કાદવ

ચેમ્બર ઑફ ટ્રેડ ઍન્ડ ઇન્ડસ્ટ્રી (CTI)એ કૉન્ગ્રેસ પાર્લમેન્ટરી પાર્ટી (CPP)નાં અધ્યક્ષા સોનિયા ગાંધીને પત્ર લખીને વિનંતી કરી છે કે ‘ચૂંટણીપંચને લઈને ચાલી રહેલા વિવાદ વચ્ચે પહેલી નવેમ્બરે યોજાનારી વિપક્ષી ગઠબંધનની રૅલીને મુલતવી રાખવામાં આવે. તમે જ અમારી છેલ્લી આશા છો. આ રૅલીને કારણે ૨૦ મુખ્ય બજારોમાં અંદાજે ૧૨,૦૦૦ કરોડ રૂપિયાનું વેપારી નુકસાન થઈ શકે છે.’
CTIના અધ્યક્ષ બ્રિજેશ ગોયલે સોનિયા ગાંધીને લખેલા પત્રમાં જણાવ્યું છે કે ‘આ રૅલીમાં આશરે ૧૦ લાખ લોકો અને ૧૫,૦૦૦થી ૨૦,૦૦૦ વાહનો આવવાની શક્યતા છે જેના કારણે ભારે ટ્રાફિક જૅમ થઈ શકે છે અને મધ્ય દિલ્હીમાં માલસામાનની હેરફેર તેમ જ ખરીદદારોની અવરજવરમાં અવરોધ આવી શકે છે. આ અપીલને કૉન્ગ્રેસની રૅલીના વિરોધ તરીકે નહીં, પરંતુ વેપાર માટેના એક મહત્ત્વપૂર્ણ સમયગાળા દરમ્યાન વેપારીઓની આજીવિકા પર પડી શકનારી સંભવિત અસર વિશેની ચિંતા તરીકે જોવી જોઈએ.’
CTIએ ધ્યાન દોર્યું હતું કે આ રૅલી ૬ નવેમ્બરે ધનતેરસ અને ૮ નવેમ્બરે દિવાળીની તૈયારીઓના સમયગાળામાં થઈ રહી છે જેના કારણે વેપારીઓ અને છૂટક વિક્રેતાઓ માટે પહેલી નવેમ્બરનો દિવસ વિશેષ મહત્ત્વ ધરાવે છે, આ રૅલી તહેવારોના સમયગાળા પછી ૧૦ નવેમ્બર બાદ કોઈ પણ તારીખે યોજવામાં આવે.

રામલીલા મેદાનમાં પાણી અને કાદવ

ADVERTISEMENT