Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > પક્ષીઓ બન્યાં ઇન્ડિયન આર્મીનાં નવાં હથિયાર

પક્ષીઓ બન્યાં ઇન્ડિયન આર્મીનાં નવાં હથિયાર

02 December, 2022 09:37 AM IST | Mumbai
Gujarati Mid-day Correspondent | feedbackgmd@mid-day.com

ઇન્ડિયન આર્મી દુશ્મન દેશના ડ્રોનને શોધીને એનો ખાતમો બોલાવવાની પક્ષીઓને તાલીમ આપે છે

ઉત્તરાખંડના ઔલીમાં ભારત-અમેરિકા સંયુક્ત યુદ્ધ અભ્યાસ દરમ્યાન દુશ્મન દેશના ડ્રોનનો શિકાર કરવા માટે ટ્રેઇન્ડ પક્ષી ‘અર્જુન’ સાથે ઇન્ડિયન આર્મીનો સૈનિક.

ઉત્તરાખંડના ઔલીમાં ભારત-અમેરિકા સંયુક્ત યુદ્ધ અભ્યાસ દરમ્યાન દુશ્મન દેશના ડ્રોનનો શિકાર કરવા માટે ટ્રેઇન્ડ પક્ષી ‘અર્જુન’ સાથે ઇન્ડિયન આર્મીનો સૈનિક.


નવી દિલ્હી: ઉત્તરાખંડના ઔલીમાં ભારત અને અમેરિકા વચ્ચે ચાલી રહેલા યુદ્ધ અભ્યાસમાં ઇન્ડિયન આર્મીએ પોતાનું એક વિશેષ ‘શસ્ત્ર’ રજૂ કર્યું છે, જે વાસ્તવમાં દુશ્મન દેશોના ડ્રોન્સનો શિકાર કરતું પક્ષી છે.

આ યુદ્ધ અભ્યાસ દરમ્યાન આ પક્ષીઓને ઍક્શન મોડમાં બતાવાયાં હતાં. દુશ્મન દેશના ડ્રોનને શોધીને એનો ખાતમો બોલાવવા માટે ટ્રેઇન્ડ ‘અર્જુન’ કોડ નેમ ધરાવતા એક પક્ષીએ એની સ્કિલ રજૂ કરી હતી. આ ટ્રેઇનિંગ દરમ્યાન ઇન્ડિયન આર્મીએ એક એવી સ્થિતિ સર્જી હતી કે જાણે એમાં તેમણે એક ડૉગ અને એક પક્ષીની મદદથી દુશ્મન દેશના ડ્રોનને શોધીને એને ખલાસ કરવાનું હતું.



આ સ્થિતિ બિલકુલ રિયલ હોય એવી જ હતી. ડ્રોનનું લોકેશન શોધવા માટે એક પક્ષીને ઉડાડવામાં આવ્યું હતું. બીજી તરફ અવાજ સાંભળીને ડૉગે ડ્રોનના ખતરા વિશે ઇન્ડિયન આર્મીને અલર્ટ કરી હતી. આ બધું બન્યું હતું ત્યારે પક્ષીએ પણ દુશ્મનનું ચોક્કસ લોકેશન શોધ્યું હતું.


ઇન્ડિયન આર્મીના સૈનિકો દુશ્મન દેશના ડ્રોન્સને શોધવા માટે ગરુડ પક્ષીઓને તાલીમ આપી રહ્યા છે. એ ઉપરાંત જુદાં-જુદાં મિશન માટે ટ્રેઇન્ડ ડૉગ્ઝનો પણ ઉપયોગ કરી રહ્યા છે.

પંજાબ અને જમ્મુ-કાશ્મીરમાં પાકિસ્તાન તરફથી ડ્રોન્સ વડે ભારતમાં રહેલા આતંકવાદીઓ અને ગૅન્ગસ્ટર્સને હથિયારો અને ડ્રગ્સ મોકલવામાં આવી રહ્યાં છે. આવી સ્થિતિમાં આ રીતે પક્ષીઓ અને ડૉગ્સના ઉપયોગથી ઇન્ડિયન આર્મીને મદદ મળી શકે છે. 


Whatsapp-channel Whatsapp-channel

02 December, 2022 09:37 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK