° °

આજનું ઇ-પેપર
Thursday, 06 October, 2022


મલબાર હિલનો રસ્તો આવતા ચોમાસા પહેલાં ખુલ્લો મુકાશે?

18 September, 2022 10:22 AM IST | Mumbai
Prajakta Kasale | prajakta.kasale@mid-day.com

હજી પાણીની પાઇપલાઇન પણ નથી બેસાડાઈ ત્યારે વાહનવ્યવહાર માટે ક્યારે રોડ ખુલ્લો મુકાશે એ વિશે કોઈ જ સ્પષ્ટતા નથી

ફાઇલ તસવીર

ફાઇલ તસવીર

મલબાર હિલ ખાતે છેલ્લાં બે વર્ષથી બંધ પડેલો બી. જી. ખેર રોડ બીએમસી માટે પડકારરૂપ બન્યો છે. આ વિસ્તારના રહેવાસીઓ રોડનું કામ શક્ય એટલું જલદી પૂરું કરવા દબાણ કરી રહ્યા હોવા છતાં આવતા ચોમાસા સુધી આ રસ્તો ફરી શરૂ થાય એવી કોઈ શક્યતા જણાતી નથી.

અગાઉ રિજ રોડના નામે ઓળખાતો આ રોડ મલબાર હિલ અને વાલકેશ્વર અને બાકીના મુંબઈ વચ્ચે મહત્ત્વની​ લિન્ક સમાન છે.  બે વર્ષ પહેલાં ૨૦૨૦ની પાંચમી ઑગસ્ટે  મધરાતે આ રોડ પર મોટી તિરાડ પડી હતી, જેના કારણે પાણીની લાઇનને નુકસાન પહોંચ્યું હતું તથા ત્યારથી આ માર્ગને ટ્રાફિક માટે બંધ કરવામાં આવ્યો હતો.

સંબંધિત વિસ્તારને પાણી પુરવઠો પહોંચાડવા બીએમસીએ હંગામી લાઇન બેસાડી હતી, પરંતુ બે વર્ષ વીતવા છતાં હજી કાયમી પાઇપલાઇન બેસાડવાનું કામ શરૂ પણ નથી કરાયું તેમ જ રોડ વાહનવ્યવહાર માટે ક્યારે ખુલ્લો મુકાશે એ વિશે પણ સ્પષ્ટતા નથી.  

‘પાણીની લાઇન નાખવાનું અને રસ્તાનું બાંધકામ કરવાનું આમ બે મુખ્ય કામ છે.  તકનીકી સલાહકાર સમિતિએ બીએમસીને કોઈ પણ ખોદકામ અથવા બાંધકામ શરૂ કરતાં પહેલાં બીજા ચોમાસાની રાહ જોવાની સૂચના આપી હોવાથી આ ઘટના પછી તરત જ બાંધકામની પ્રવૃત્તિ શરૂ થઈ શકી નહોતી એમ જણાવતાં બીએમસીના એક અધિકારીએ ઉમેર્યું  હતું કે કેટલાંક માટી પરીક્ષણો પછી સાવધાનીપૂર્વક શરૂ કરાયેલું પાણીની પાઇપલાઇન નાખવાનું કામ ૪૦ ટકા પૂર્ણ થઈ ગયું છે. વરસાદની મોસમમાં ખોદવાનું જોખમ લઈ શકતા ન હોવાથી ચોમાસામાં કારણે કામ બંધ થઈ ગયું છે. ચોમાસાના અંત પછી ઑક્ટોબરમાં ફરી કામ શરૂ કરાશે. અમારું લક્ષ્ય ડિસેમ્બરના અંત સુધીમાં પાઇપલાઇન નાખવાનું કામ પૂર્ણ કરવાનું છે જેથી રોડનું બાંધકામ અને સ્ટૉર્મ વૉટર ડ્રેઇન એકસાથે શરૂ થઈ શકે એમ હાઇડ્રોલિક વિભાગના અધિકારીએ જણાવ્યું હતું.

18 September, 2022 10:22 AM IST | Mumbai | Prajakta Kasale

અન્ય લેખો

મુંબઈ સમાચાર

ખાડામુક્તિ માટે શરૂઆત તો થઈ

આના માટે તમામ રસ્તા એક જ એજન્સી એટલે કે બીએમસીને સોંપવાની શરૂઆત થઈ છે અને આ દિશામાં પહેલ તરીકે આની સામે કોઈ વાંધો ન હોવાનું એમએમઆરડીએએ સરકારને જણાવી દીધું છે : જોકે એને ખરા અર્થમાં અમલમાં મુકાતાં કેટલો સમય લાગશે એને લઈને અસ્પષ્ટતા

05 October, 2022 11:22 IST | Mumbai | Bakulesh Trivedi
મુંબઈ સમાચાર

મુંબઈની ખાડાની સમસ્યાનો ઝડપી નિકાલ લાવવો છે? તો રસ્તાનું કામ એક જ એજન્સીને સોંપો

મુંબઈ બીએમસીના કમિશનરે બૉમ્બે હાઈ કોર્ટમાં શહેરના રસ્તાઓના ખાડાનો કાયમી ઉકેલ લાવવા માટે રજૂઆત કરીને કહ્યું કે એવું નહીં થાય ત્યાં સુધી ખાડાની સમસ્યા રહેશે

01 October, 2022 11:01 IST | Mumbai | Gujarati Mid-day Correspondent
મુંબઈ સમાચાર

ત્રણ વર્ષમાં મુંબઈને ખાડા મુક્ત કરીશું, BMC કમિશનરની હાઈકોર્ટમાં ખાતરી

મુંબઈમાં રસ્તાઓ પર પડેલા ખાડાઓની સમસ્યાને લઈને હાઈકોર્ટમાં અરજી દાખલ કરવામાં આવી છે

30 September, 2022 05:56 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK