Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > બૉમ્બે હાઈ કોર્ટે હમારે બારહની રિલીઝને આપ્યું ગ્રીન સિગ્નલ

બૉમ્બે હાઈ કોર્ટે હમારે બારહની રિલીઝને આપ્યું ગ્રીન સિગ્નલ

08 June, 2024 09:00 AM IST | Mumbai
Gujarati Mid-day Correspondent | feedbackgmd@mid-day.com

ફિલ્મમેકર્સે વાંધાજનક ડાયલૉગ્સ દૂર કર્યા બાદ કોર્ટે આપી પરવાનગી: જોકે કર્ણાટક સરકારે મૂક્યો રિલીઝ પર બૅન

અનુ કપૂરની ફિલ્મ ‘હમારે બારહ’

અનુ કપૂરની ફિલ્મ ‘હમારે બારહ’


અનુ કપૂરની ફિલ્મ ‘હમારે બારહ’ની રિલીઝને બૉમ્બે હાઈ કોર્ટનું ગ્રીન સિગ્નલ મળી ગયું છે. પહેલાં હાઈ કોર્ટે જ આ ફિલ્મની રિલીઝ પર સ્ટે આપ્યો હતો, પરંતુ ફિલ્મના બે ડાયલૉગ્સને હટાવતાં ફિલ્મની રિલીઝને ગ્રીન સિગ્નલ મળી ગયું છે.

પહેલાં સ્ટે આપતી વખતે કોર્ટે નોંધ્યું હતું કે આ ફિલ્મ સાંપ્રદાયિક ઘૃણા ફેલાવશે. કોર્ટને આ ફિલ્મ પર પ્રતિબંધ મૂકવા માટે વિવિધ સંગઠનો દ્વારા વિનંતી કરવામાં આવી હતી. ફિલ્મનું ટ્રેલર રિલીઝ થયા બાદ એના કલાકારો, ડિરેક્ટર અને અન્ય ટીમ-મેમ્બર્સને ધમકી મળી રહી છે એથી અનુ કપૂરે એ તમામ માટે પોલીસ-પ્રોટેક્શન માગ્યું છે.



હવે મેકર્સે વાંધાજનક ડાયલૉગ્સ હટાવતાં ફિલ્મની રિલીઝનો માર્ગ મોકળો થઈ ગયો છે. આમ છતાં કર્ણાટકની સરકારે એના રાજ્યમાં ફિલ્મની રિલીઝ પર પ્રતિબંધ મૂક્યો છે. આ ફેંસલો કર્ણાટક સિનેમા રેગ્યુલેશન ઍક્ટ ૧૯૬૪ના સેક્શન 15 (1) અને 15 (5) હેઠળ લેવામાં આવ્યો છે.


શું છે આ વિવાદિત ફિલ્મમાં?
‘હમારે બારહ’ ફિલ્મમાં એવું બતાવવામાં આવ્યું હતું કે મુસલમાનોને તેમના ધર્મમાં વધારે બાળકો કરવાનું કહેવામાં આવ્યું છે અને એવું કરવામાં તેઓ મહિલાઓની હેલ્થની પણ કોઈ પરવા નથી કરતા. આ અને આવા ડાયલૉગ્સને કારણે બૉમ્બે હાઈ કોર્ટે સ્ટે આપ્યો હતો, પણ ફિલ્મમેકર્સે વિવાદિત ડાયલૉગ્સ દૂર કરી નાખતાં એને ગ્રીન સિગ્નલ મળ્યું છે.


Whatsapp-channel Whatsapp-channel

08 June, 2024 09:00 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK