° °

આજનું ઇ-પેપર
Saturday, 03 December, 2022


વસઈ પોલીસે આફતાબની ધરપકડ ન કરતાં તેને દિલ્હી શા માટે જવા દીધો?

20 November, 2022 12:10 PM IST | Mumbai
Diwakar Sharma

એને કારણે તેને બાકી રહેલા પુરાવાઓનો નાશ કરવા માટે પૂરતો સમય મળી ગયો, કારણ કે પોલીસની પૂછપરછમાં શ્રદ્ધાની હત્યા કરીને તેના શરીરના ટુકડા ફ્રિજમાં સંઘર્યા હોવાની અને સાઉથ દિલ્હીના મહરૌલીમાં એનો નિકાલ કર્યો એની વિગતો જણાવી હતી

ફાઇલ તસવીર Shraddha Walkar Murder

ફાઇલ તસવીર

માણિકપુર પોલીસ ભલે પોતે લિવ-ઇન પાર્ટનરની હત્યા કરનારા આફતાબ પૂનાવાલાને પકડવામાં દિલ્હી પોલીસને મદદ કરી હોવાની બડાઈ મારતી હોય, પરંતુ હકીકત એ છે કે મીરા-ભાઈંદર, વસઈ-વિરાર પોલીસે હત્યાના પુરાવાઓ સગેવગે કરવા માટે તેને પૂરતો સમય આપ્યો હતો.

શ્રદ્ધા વાલકરના નજીકના મિત્ર લક્ષ્મણ નાદરે ૧૪ સપ્ટેમ્બરે તેનો શ્રદ્ધા સાથેનો સંપર્ક તૂટી ગયો હોવાની જાણ તેના ભાઈ શ્રીજય વાલકરને કરી હતી. તેણે તેના પિતા વિકાસ વાલકરને આ બાબતની જાણ કરતાં તેમણે લક્ષ્મણ નાદર સાથે સ્પષ્ટતા કર્યા બાદ ૧૨ ઑક્ટોબરે માણિકપુર પોલીસ સ્ટેશનમાં ફરિયાદ નોંધાવી હતી.

વસઈની તપાસકર્તા ટીમને આફતાબ પૂનાવાલાએ ૨૦ મેથી શ્રદ્ધા વાલકર તેની સાથે ઝઘડો કરીને તેને છોડીને જતી રહી હોવાનું અને ૧૩ જૂને પોતાનો સામાન પાછો લેવા આવી હોવાનું જણાવ્યું હતું.

ફોન પર આફતાબ પૂનાવાલાના અસંતોષકારક જવાબ બાદ વસઈ પોલીસે તેને અહીં પહોંચવા જણાવ્યું હતું. નવેમ્બર મહિનાના પહેલા અઠવાડિયામાં વસઈ પોલીસને મળેલા આફતાબ પાસેથી સચ્ચાઈ ઓકાવવા પોલીસે શરાબનો સહારો લીધો હતો અને શરાબના નશામાં આફતાબે વટાણા વેરી નાખ્યા હતા અને કેવી રીતે શ્રદ્ધાની ત્યાં કરીને તેના શરીરના ટુકડા કરી ફ્રિજમાં સંઘર્યા અને સાઉથ દિલ્હીના મહરૌલીમાં એનો નિકાલ કર્યો એની વિગતો ઓકી હતી.

જોકે વસઈની તપાસકર્તા ટીમે તરત વસઈમાં જ તેની ધરપકડ ન કરતાં તેને દિલ્હી જવા દીધો હતો, જ્યાં તેને બાકી રહેલા પુરાવાઓનો નાશ કરવા માટે પૂરતો સમય મળી ગયો હતો. જો આફતાબની ધરપકડ વસઈમાં જ કરીને તેને દિલ્હી પોલીસને સોંપવામાં આવ્યો હોત તો દિલ્હી પોલીસને મહરૌલીમાંથી શરીરના બાકી બચેલા ટુકડાઓ ભેગા કરવામાં થયેલી દોડધામ ઘણી ઓછી થઈ ગઈ હોત. આ બાબતે વરિષ્ઠ અધિકારીઓએ વિભાગીય તપાસ હાથ ધરવાની જરૂર છે.

20 November, 2022 12:10 PM IST | Mumbai | Diwakar Sharma

અન્ય લેખો

મુંબઈ સમાચાર

પોલીસની ચોરી પર શિરજોરી

બોરીવલીના ભરચક રસ્તે ગેરકાયદે કાર પાર્ક કરી હોવાથી પાર્કિંગ લૉટમાંથી એક પણ કાર બહાર ન આવતી હોવાથી સિનિયર સિટિઝન કપલે પે ઍન્ડ પાર્કનું સંચાલન કરનારી વ્યક્તિને પોલીસની કાર હટાવવા માટે વિનંતી કરવા કહ્યું.

07 November, 2022 09:49 IST | Mumbai | Shirish Vaktania, Diwakar Sharma
મુંબઈ સમાચાર

બી અલર્ટ

કોરોના મહામારી બાદ બે વર્ષે આજથી શરૂ થઈ રહેલી નવરાત્રિમાં સજીધજીને નીકળતી મહિલાઓ પર આ ચેઇન આંચકનારાઓ ત્રાટકે એવો પોલીસને સતાવી રહ્યો છે ડર

26 September, 2022 10:01 IST | Mumbai | Samiullah Khan, Diwakar Sharma
મુંબઈ સમાચાર

સાયરસ મિસ્ત્રીના મૃત્યુના સ્થળે મોડે-મોડે ગો સ્લોનું બોર્ડ લાગ્યું

ગો સ્લો બોર્ડ પણ સાયરસ મિસ્ત્રીની મર્સિડીઝ કાર જ્યાં ક્રૅશ થઈ હતી એ બ્લૅક સ્પૉટ કરતાં માંડ ૧૫૦ મીટર જેટલા અંતરે મૂકવામાં આવ્યું છે

11 September, 2022 10:44 IST | Mumbai | Diwakar Sharma

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK