Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > શ્રદ્ધા મર્ડરકેસમાં મુંબઈ આવેલી દિલ્હી પોલીસની ટીમ ખાલી હાથે પાછી ફરી

શ્રદ્ધા મર્ડરકેસમાં મુંબઈ આવેલી દિલ્હી પોલીસની ટીમ ખાલી હાથે પાછી ફરી

01 December, 2022 08:10 AM IST | Mumbai
Gujarati Mid-day Correspondent | feedbackgmd@mid-day.com

આફતાબે અહીં પણ જે પુરાવા હતા એનો નાશ કર્યો છે જેમાં મુખ્યત્વે શ્રદ્ધાના મોબાઇલનો સમાવેશ થાય છે. એ માટે એવું કહેવાય છે કે એ મોબાઇલ તેણે ભાઈંદરની ખાડીમાં ફગાવી દીધો છે

શ્રદ્ધા મર્ડરકેસમાં મુંબઈ આવેલી દિલ્હી પોલીસની ટીમ ખાલી હાથે પાછી ફરી

શ્રદ્ધા મર્ડરકેસમાં મુંબઈ આવેલી દિલ્હી પોલીસની ટીમ ખાલી હાથે પાછી ફરી


મુંબઈ : શ્રદ્ધા વાલકર હત્યાકેસના આરોપી આફતાબ પૂનાવાલાની તપાસ સંદર્ભે અને એ કેસમાં વધુ પુરાવા મેળવવા દિલ્હી પોલીસની એક ટીમ વસઈમાં ધામા નાખીને બેઠી હતી. જોકે ખાસ કોઈ મહત્ત્વના પુરાવા ન મળતાં આખરે એ ગઈ કાલે પાછી દિલ્હી જતી રહી હતી. આફતાબે અહીં પણ જે પુરાવા હતા એનો નાશ કર્યો છે જેમાં મુખ્યત્વે શ્રદ્ધાના મોબાઇલનો સમાવેશ થાય છે. એ માટે એવું કહેવાય છે કે એ મોબાઇલ તેણે ભાઈંદરની ખાડીમાં ફગાવી દીધો છે. શ્રદ્ધાના મિસિંગની ફરિયાદ બાદ વસઈ પોલીસે આફતાબને પૂછપરછ માટે બોલાવ્યો હતો. વસઈ પોલીસનાં સૂત્રોના જણાવ્યા અનુસાર એ વખતે પણ શ્રદ્ધાનો મોબાઇલ આફતાબ પાસે જ હતો. જોકે આફતાબને અંદાજ આવી ગયો હતો કે શ્રદ્ધાનો મોબાઇલ તેના માટે મુશ્કેલી બની શકે એમ છે. એટલે તે ભાઈંદર ગયો હતો અને એ પછી ખાડી પર પહોંચ્યો હતો. આફતાબે એ પણ નોંધી લીધું હતું કે ખાડી પાસે ક્યાં-ક્યાં સીસીટીવી કૅમેરા લાગેલા છે. એટલું જ નહીં, તેણે માછીમારો પાસેથી એ પણ જાણી લીધું કે ખાડી ૩૦થી ૩૫ ફુટ જેટલી ઊંડી છે. તેણે એ પણ માહિતી મેળવી કે ડૂબકીમારો કેટલે અંદર સુધી જઈને સર્ચ કરી શકે છે. આમ તેણે શ્રદ્ધાનો મોબાઇલ ખાડીમાં ફગાવતાં પહેલાં પૂરતી કાળજી લીધી કે એ ફોન પોલીસને ન મળે. જોકે તેણે જે લોકેશન પોલીસને બતાવ્યું હતું ત્યાં તપાસ કરવામાં આવી હતી, પરંતુ એ જગ્યા પણ સાચી જ કહી હોય એવું નથી. શ્રદ્ધાના મોબાઇલ ઉપરાંત પણ કેટલાક પુરાવાનો આફતાબે નાશ કર્યો હતો એટલે દિલ્હી પોલીસને હાથ ન મળતાં આખરે એ દિલ્હી પાછી ગઈ છે.   


Whatsapp-channel Whatsapp-channel

01 December, 2022 08:10 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK