° °

આજનું ઇ-પેપર
Wednesday, 26 January, 2022


બીજેપી અને કૉન્ગ્રેસ બાદ હવે શિવસેના બીએમસીની ચૂંટણીની તૈયારીમાં લાગશે

11 January, 2022 10:09 AM IST | Mumbai | Gujarati Mid-day Correspondent

પક્ષપ્રમુખ ઉદ્ધવ ઠાકરેએ શિવસૈનિકોને આપ્યો આદેશ : ૫૦ વર્ષથી મોટી ઉંમરના નગરસેવકોને પાણીચું આપવાના સમાચારને આદિત્ય ઠાકરેએ રદિયો આપ્યો

આદિત્ય ઠાકરે અને ઉદ્ધવ ઠાકરે

આદિત્ય ઠાકરે અને ઉદ્ધવ ઠાકરે

મુંબઈ મહાનગરપાલિકાની પાંચ વર્ષની મુદત આવતા મહિને પૂરી થઈ રહી છે ત્યારે પચીસ વર્ષથી સત્તામાં રહેલી શિવસેનાએ ફરી એક વખત વિજયી થવા માટે કમર કસી છે. શિવસેનાપ્રમુખ અને મુખ્ય પ્રધાન ઉદ્ધવ ઠાકરેએ તાજેતરમાં આયોજિત પક્ષના સંસદસભ્યો, વિધાનસભ્યો સહિતના નેતાઓની બેઠકમાં ચૂંટણીની તૈયારીમાં લાગી જવાનો આદેશ આપ્યો હોવાનું જાણવા મળ્યું હતું. કોરોનાની સ્થિતિ અને શહેરમાં વૉર્ડ વધારવામાં આવ્યા હોવાથી નવેસરથી કરાઈ રહેલા સીમાંકનમાં સમય લાગવાની શક્યતા છે એટલે ચૂંટણી સમયસર યોજાવાની શક્યતા નથી. આમ છતાં, કૉન્ગ્રેસ, બીજેપી સહિતના રાજકીય પક્ષોએ ચૂંટણીની તૈયારીઓ આરંભી દીધી હોવાથી શિવસેનાએ પણ તૈયારી આરંભી છે.
ઉદ્ધવ ઠાકરેએ શિવસૈનિકોને શહેરના વિકાસ માટેની યોજનામાં ચાલી રહ્યાં કામ ઝડપથી પૂરાં કરો, એનો અહેવાલ તૈયાર કરો અને શિવસેનાએ અત્યાર સુધી કરેલાં કામ અને નિર્ણય લોકો સુધી પહોંચાડવા સજ્જ થવાનો આદેશ આપ્યો હોવાનું જાણવા મળ્યું છે.
ઉલ્લેખનીય છે કે મુંબઈમાં અત્યારના ૨૨૭ વૉર્ડમાં ૯ વૉર્ડનો વધારો કરવામાં આવ્યો છે એટલે નવેસરથી વૉર્ડના સીમાંકનનું કામ ચાલી રહ્યું છે, જે આવતા મહિના સુધી પૂરું થવાની શક્યતા નથી તેમ જ મુંબઈમાં કોરોનાની પરિસ્થિતિ દિવસે-દિવસે ખરાબ થઈ રહી છે ત્યારે મુદત સમયે ચૂંટણી યોજાવાની કોઈ શક્યતા નથી. જોકે રાજ્યની મહાવિકાસ આઘાડી સરકારમાં સામેલ કૉન્ગ્રેસે એકલે હાથે ચૂંટણી લડવાની જાહેરાત કરવાની સાથે મુખ્ય વિરોધી પક્ષ બીજેપી દ્વારા પણ ચૂંટણીની તૈયારીઓ આરંભી દીધી છે એટલે શિવસેના તૈયારીમાં પાછળ ન રહી જાય એ માટે ઉદ્ધવ ઠાકરેએ તાત્કાલિક ધોરણે ચૂંટણીની તૈયારીમાં લાગી જવાનો શિવસૈનિકોને આદેશ આપ્યો હોવાનું કહેવાય છે.
એ સમાચાર ખોટા
છેલ્લા બે-ત્રણ દિવસથી મુંબઈ મહાનગર પાલિકાની ચૂંટણીમાં શિવસેના ૫૦ વર્ષથી મોટી ઉંમરના નગરસેવકોને રિપીટ નહીં કરે એવા સમાચાર વહેતા થયા છે. આવા સમાચારને લીધે શિવસેનામાં ચર્ચા જાગી છે. જોકે પક્ષ દ્વારા આવો કોઈ નિર્ણય લેવામાં ન આવ્યો હોવાની ટ્વીટ ગઈ કાલે આદિત્ય ઠાકરેએ કરી હતી. તેમણે ટ્વીટમાં લખ્યું હતું કે ‘એક ઉંમરથી મોટી વયના લોકોને સુધરાઈની ચૂંટણીમાં શિવસેના ટિકિટ નહીં આપે એવા સમાચાર ૨-૩ દિવસથી જોઈ રહ્યો છું. આ સમાચાર ખોટા છે. શિવસેના પક્ષમાં માત્ર જનતાની સેવા કરનારાઓને કોઈ પણ ભેદભાવ વિના ટિકિટ મળે છે.’

11 January, 2022 10:09 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

ઉદ્ધવ ઠાકરેના શાબ્દિક હુમલા બાદ દેવેન્દ્ર ફડણવીસે કર્યો વળતો હુમલો

કહ્યું કે અમે તો વંદનીય બાળાસાહેબ ઠાકરેનું અભિમાન સાથે અભિવાદન કરીએ છીએ, પણ તમે સત્તા માટે જેની સાથે પલાંઠીવાળીને બેઠા છો એ સોનિયા ગાંધી, રાહુલ ગાંધી કે પ્રિયંકા ગાંધીએ તો શિવસેના સુપ્રીમોની જન્મજયંતીએ એક ટ્વીટ સુદ્ધાં ન કર્યું, આને કહેવાય લાચારી

25 January, 2022 09:34 IST | Mumbai | Gujarati Mid-day Correspondent
મુંબઈ સમાચાર

BMC, મુંબઈ ફાયર બ્રિગેડ 5 માળની બિલ્ડિંગથી ઉંચી ઇમારતોની કરશે વીજ ઑડિટ

શનિવાર, 22 જાન્યુઆરીના તારદેવમાં 20માળની બિલ્ડિંગમાં એક ભીષણ આગ લાગી, જેમાં સાતના જીવ ગયા અને અનેક ઇજાગ્રસ્ત થયા.

24 January, 2022 07:34 IST | Mumbai | Gujarati Mid-day Correspondent
મુંબઈ સમાચાર

રાજકીય લાભ માટે હિંદુત્વનો ઉપયોગ કરનાર BJP સાથે શિવસેનાએ 25 વર્ષ બગાડ્યા

પાર્ટીના સ્થાપક અને તેમના પિતા બાલ ઠાકરેની 96મી જન્મજયંતિ પર શિવસૈનિકોને ડિજીટલી સંબોધિત કરતા ઉદ્ધવ ઠાકરેએ કહ્યું

24 January, 2022 01:28 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK