° °

આજનું ઇ-પેપર
Wednesday, 01 February, 2023


મુંબઈ લોકલમાં સિનિયર સિટિઝન માટે ડબ્બો રિઝર્વ કરો; હાઈકોર્ટમાં જાહેર હિતની અરજી

02 December, 2022 08:14 AM IST | Mumbai
Gujarati Mid-day Online Correspondent | gmddigital@mid-day.com

આ જાહેર હિતની અરજી વરિષ્ઠ નાગરિક વકીલ દ્વારા દાખલ કરવામાં આવી છે અને ટૂંક સમયમાં તેની સુનાવણી થવાની શક્યતા છે

પ્રતીકાત્મક તસવીર

પ્રતીકાત્મક તસવીર

બોમ્બે હાઈકોર્ટ (Bombay High Court)માં એક જાહેર હિતની અરજી દાખલ કરવામાં આવી છે, જેમાં માગણી કરવામાં આવી છે કે દિવ્યાંગોની જેમ વરિષ્ઠ નાગરિકો માટે અલગ કમ્પાર્ટમેન્ટ આપવામાં આવે. આ જાહેર હિતની અરજી વરિષ્ઠ નાગરિક વકીલ દ્વારા દાખલ કરવામાં આવી છે અને ટૂંક સમયમાં તેની સુનાવણી થવાની શક્યતા છે. કે. પી. નાયર, જેઓ અગાઉ હાઈકોર્ટના જજના સચિવ તરીકે કામ કરી રહ્યા હતા, તેમણે આ અરજી દાખલ કરી છે. અરજીમાં નાયરે ધ્યાન દોર્યું છે કે મુંબઈ લોકલમાં મુસાફરી કરતી વખતે વરિષ્ઠ નાગરિકોને ઘણી સમસ્યાઓનો સામનો કરવો પડે છે.

9 ઑગસ્ટ, 2019ના રોજ, અમે વરિષ્ઠ નાગરિકો માટે ઉપનગરીય વિસ્તારોમાં અલગ કોચની જોગવાઈની માગ અંગે તત્કાલિન મુખ્ય ન્યાયાધીશને રજૂઆત પણ કરી છે. બોમ્બે હાઈકોર્ટના પબ્લિક ગ્રીવિઅન્સ સેલે તેની એક નકલ રેલવે પ્રશાસનને પણ મોકલી હતી. 2 જાન્યુઆરી, 2020ના રોજ રેલવેએ જવાબ આપ્યો અને જાણ કરી કે વરિષ્ઠ નાગરિકો માટે અલગ કોચ આપવા શક્ય નથી. તેથી નાયરે આ મામલે આ અરજી દાખલ કરી હોવાનો પણ અરજીમાં ઉલ્લેખ કર્યો છે.

65 વર્ષથી વધુ ઉંમરના નાગરિકો માટે સ્થાનિક સ્તરે અલગ ડબ્બા પૂરા પાડવામાં આવે તેવી માગ નવી નથી. આ અંગે રેલવે પ્રશાસનને વારંવાર વિનંતી કરવા છતાં તેની અવગણના કરવામાં આવી હોવાની ફરિયાદ એ. બી. ઠક્કરે 2009માં કોર્ટને પત્ર લખ્યો હતો. કોર્ટે પણ આ પત્રની નોંધ લીધી અને તેને જાહેર હિતની અરજીમાં ફેરવી દીધી. આ અરજી પર સુનાવણી બાદ હાઈકોર્ટે લોકલમાં વરિષ્ઠ નાગરિકો માટે અલગ બેઠક વ્યવસ્થા ઉપલબ્ધ કરાવવાનો આદેશ પણ આપ્યો હતો. તદનુસાર, રેલવેએ વરિષ્ઠ નાગરિકો માટે સેકન્ડ ક્લાસમાં 14 સીટો આરક્ષિત કરવાનો નિર્ણય લીધો હતો.

પરંતુ ભીડના કલાકો દરમિયાન, આ વરિષ્ઠ નાગરિકો માટે આરક્ષિત સીટ પર ફક્ત સામાન્ય મુસાફરો જ બેસતા જોવા મળે છે. આને કારણે, વરિષ્ઠ નાગરિકો આ અનામત બેઠકોનો લાભ લઈ શકતા નથી, અરજદારોએ દાવો કર્યો છે. ઉપનગરીય લોકલમાં વરિષ્ઠ નાગરિકો માટે ઓછામાં ઓછી 25 બેઠકો અનામત હોવી જોઈએ. આના કારણે વરિષ્ઠ નાગરિકો સરળતાથી રેલવેમાં પ્રવેશી શકશે અને બહાર નીકળી શકશે, એમ પણ અરજદારોએ અરજીમાં જણાવ્યું છે.

આ પણ વાંચો: મુંબઈ ટ્રાફિક અપડેટ - VVIP મૂવમેન્ટ થકી આ રોડ કાલે વાહનોના આવાગમન માટે રહેશે બંધ

02 December, 2022 08:14 AM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

મુંબઈ-અમદાવાદ હાઈવે પર ભયંકર અકસ્માત : ચારનાં મોત, ત્રણ ઘાયલ

કાર અને બસ વચ્ચે થઈ જોરદાર ટક્કર

31 January, 2023 11:57 IST | Mumbai | Gujarati Mid-day Correspondent
મુંબઈ સમાચાર

ક્રેનનો હુક અથડાતાં લોકલ ટ્રેનના મોટરમૅનને માથામાં થઈ ઈજા

આ બનાવમાં ટ્રેનના આગળના ભાગમાં નુકસાન થવાની સાથે મોટરમૅનના માથામાં ઈજા થઈ હતી

29 January, 2023 08:42 IST | Mumbai | Gujarati Mid-day Correspondent
મુંબઈ સમાચાર

નાયગાંવ સ્ટેશન પર લોકલ ટ્રેનને નડ્યો અકસ્માત: મોટરમેનને થઈ ઇજા

પશ્ચિમ રેલવેના મુખ્ય પ્રવક્તા સુમિત ઠાકુરે પીટીઆઈને જણાવ્યું કે “મુંબઈ અને વિરાર વચ્ચેની છેલ્લી ટ્રેન શુક્રવારે મોદી રાત્રે 12.55 વાગ્યે નાયગાંવ સ્ટેશન પર આ અકસ્માત સર્જાયો હતો

28 January, 2023 02:18 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK