° °

આજનું ઇ-પેપર
Wednesday, 14 April, 2021

પવઈ તળાવમાં પર્યટકો બોટમાં ફરતાં-ફરતાં મગરો નિહાળી શકાશે

01 February, 2021 08:57 AM IST | Mumbai | Ranjeet Jadhav

પવઈ તળાવમાં પર્યટકો બોટમાં ફરતાં-ફરતાં મગરો નિહાળી શકાશે

ભારતના ટિપિકલ મગર-ઇન્ડિયન માર્શ ક્રૉકોડાઇલ (તસવીર સૌજન્યઃ RAWW/WWA)

ભારતના ટિપિકલ મગર-ઇન્ડિયન માર્શ ક્રૉકોડાઇલ (તસવીર સૌજન્યઃ RAWW/WWA)

કેટલાક દાયકા પૂર્વે મહાનગરને પાણીપુરવઠો આપતાં જળાશયોમાં સામેલ રહી ચૂકેલા પવઈ તળાવમાં મગરના ઉપદ્રવની ઘટનાઓ પણ ચર્ચાનો વિષય બની હતી, પરંતુ હવે એ ઉપદ્રવ-કથાઓનો અંત આણીને એ સ્થળને પર્યટનનું ધામ બનાવવાની તૈયારી મહારાષ્ટ્રના પર્યટન અને જંગલ વિભાગે કરી છે. પર્યટકો બોટમાં ફરતાં-ફરતાં મગરો નિહાળી શકે એવી જોગવાઈની વિચારણા ચાલી રહી છે.

રાજ્યના પર્યટન ખાતાના પ્રધાન આદિત્ય ઠાકરેએ જણાવ્યું હતું કે ‘પવઈ તળાવમાં ક્રૉકોડાઇલ સફારી બોટ-રાઇડ શરૂ કરવા સંબંધી વ્યવસ્થાઓ અને આયોજનો વિશે પર્યટન મંત્રાલય અને જંગલ મંત્રાલયના અધિકારીઓ ચર્ચાવિચારણા કરી રહ્યા છે. એ સરોવરમાં મગરો અને માનવો બન્નેની સલામતીની તકેદારી રાખવામાં આવશે. એ યોજના માટે નિષ્ણાતો શું કરવું અને શું ન કરવું એની જે સૂચનાઓ આપે એની યાદી પણ બનાવવામાં આવશે. મગરને ખલેલ ન પહોંચે એ રીતે સ્લો મોટરાઇઝ્‍ડ રાઇડ્સ વિશે વિચારણા ચાલે છે.’

ઍડિશનલ પ્રિન્સિપાલ ચીફ કન્ઝર્વેટર ઑફ ફૉરેસ્ટ સુનીલ લિમયેએ જણાવ્યું હતું કે ‘ઇન્ડિયન માર્શ ક્રૉકોડાઇલ ૧૯૭૨ના વાઇલ્ડ લાઇફ પ્રોટેક્શન ઍક્ટના શિડ્યુલ-1 હેઠળ રક્ષિત વન્ય પશુ પ્રજાતિ છે. જંગલ વિભાગ પર્યાવરણને અનુકૂળ પર્યટન વિશે અભ્યાસ કરવા અને ઇન્ડિયન માર્શ ક્રૉકોડાઇલને તેમ જ પ્રદૂષણને ખલેલ ટાળવા માટે સૂચન પણ આપવાની વિનંતી વાઇલ્ડ લાઇફ ઇન્સ્ટિટયૂટ ઑફ ઇન્ડિયાને કરી છે. ૬.૬૧ ચોરસ કિલોમીટરના ક્ષેત્રમાં ૪૦ કરતાં વધારે મગર છે. એ તળાવમાંના મગરોની ગણતરી કરવામાં આવી નથી, પરંતુ સંખ્યાના અંદાજ માટેના ફોટોગ્રાફિક પુરાવા છે. મૅન્ગ્રોવ્ઝ ડિપાર્ટમેન્ટે ખેડ તાલુકાના સોનગાંવમાં ક્રૉકોડાઇલ સફારી બનાવ્યા પછી એ ગામને ક્રૉકોડાઇલ વિલેજ તરીકે ઓળખવામાં આવે છે. એનું ઉદાહરણ પવઈમાં ક્રૉકોડાઇલ સફારી રચવા માટે ઉપયોગી થશે.’

01 February, 2021 08:57 AM IST | Mumbai | Ranjeet Jadhav

અન્ય લેખો

મુંબઈ સમાચાર

મહારાષ્ટ્ર CM: 15 દિવસ માટે રાજ્યમાં 144ની કલમ લાગુ કરાઇ

બ્રેક ધ ચેઇન અભિયાનની શરૂઆત મહારાષ્ટ્રમાં આવતીકાલે રાતે આઠ વાગ્યાથી થશે. આવતી કાલથી એટલે કે બુધવારે રાત્રે, જરૂરી સેવાઓ સિવાય બધું બંધ રહેશે. રાજ્યમાં આગામી 15 દિવસ માટે કલમ 144 લાગુ કરવામાં આવી છે

13 April, 2021 09:53 IST | Mumbai | Gujarati Mid-day Online Correspondent
મુંબઈ સમાચાર

Chaitra Navratri 2021: આજે નવરાત્રિ અને ગુડી પાડવાના દિવસે કરો આ કામ

માતા શક્તિની ઉપાસનાનો તહેવાર મંગળવાર એટલેકે આજથી શરૂ થઈ રહ્યો છે. આ મહાપર્વને લઈને મંદિરોમાં ઉત્તેજનાનું વાતાવરણ સર્જાયું છે. ઘર-ઘરમાં ચૈત્ર નવરાત્રીના પહેલા દિવસે કળશ સ્થાપનાની તૈયારીઓ પણ ચાલી રહી છે.

13 April, 2021 01:40 IST | Mumbai | Gujarati Mid-day Online Correspondent
મુંબઈ સમાચાર

લૉકડાઉનના ભય વચ્ચે ખરીદી માટે થઈ પડાપડી

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

13 April, 2021 02:04 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK