Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > માતા-​પિતાએ જ બે વર્ષની દીકરીને ટ્રેનમાં તરછોડી દીધી

માતા-​પિતાએ જ બે વર્ષની દીકરીને ટ્રેનમાં તરછોડી દીધી

07 June, 2024 10:38 AM IST | Mumbai
Gujarati Mid-day Correspondent | feedbackgmd@mid-day.com

તે સૂતી હતી ત્યારે ટ્રેનમાં મૂકીને જતાં રહ્યાં : સાંઈનગર શિર્ડી એક્સપ્રેસ ટ્રેનમાંથી મળેલી આ બાળકીનાં માતા-પિતાને શોધવાની પોલીસે ચૅલેન્જ ઉઠાવી

સાંઈનગર શિર્ડી એક્સપ્રેસમાંથી  મળેલી બાળકી

સાંઈનગર શિર્ડી એક્સપ્રેસમાંથી મળેલી બાળકી


બે વર્ષની બાળકીને સાંઈનગર શિર્ડી એક્સપ્રેસ ટ્રેનમાં ઇરાદાપૂર્વક મૂકવા માટે તેનાં માતા-પિતા વિરુદ્ધ દાદર રેલવે પોલીસ-સ્ટેશનમાં ફરિયાદ નોંધાઈ છે. આ ટ્રેનમાં પ્રવાસ કરી રહેલા એક મુસાફરને મંગળવારે બાળકી રડતી હાલતમાં મળી હતી. ત્યાર બાદ તેનાં માતા-પિતાને ટ્રેનમાં શોધતાં તેઓ મળ્યાં નહોતાં. અંતે રેલવે પોલીસને એની જાણ કરતાં તેમણે તપાસ કરી ત્યારે જાણ થઈ કે બાળકી સૂતી હતી ત્યારે તેનાં માતા-પિતા તેને ટ્રેનમાં મૂકીને ચાલ્યાં ગયાં હતાં. આ બાળકીનાં માતા-પિતાને શોધવાની રેલવે પોલીસે ચૅલેન્જ ઉપાડી છે અને હવે શિર્ડીથી મુંબઈનાં બધાં રેલવે-સ્ટેશનના ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજ દ્વારા તેનાં માતા-પિતાને શોધવામાં આવી રહ્યાં છે.

સાંઈનગર શિર્ડી એક્સપ્રેસ ટ્રેન શિર્ડીથી તલેગાંવ પહોંચી ત્યારે કલ્યાણમાં રહેતા એક પ્રવાસીએ બાળકીને જનરલ ડબ્બામાં સૂતેલી જોઈ હતી એમ જણાવતાં દાદર રેલવે પોલીસ-સ્ટેશનના સિનિયર ઇન્સ્પેક્ટર અનિલ કદમે ‘મિડ-ડે’ને કહ્યું હતું કે ‘પ્રવાસીએ પહેલાં તેને જોઈ ત્યારે એમ લાગ્યું કે આ કોઈ મુસાફરની દીકરી છે. ટ્રેન કલ્યાણ પહોંચી ત્યારે બાળકી ઊઠીને પોતાનાં માતા-પિતાને શોધવા લાગી હતી. તેઓ ન મળતાં તેણે રડવાનું શરૂ કર્યું હતું. તેને રડતી જોઈને બીજા પ્રવાસીઓ પણ બાળકીનાં માતા-પિતાને શોધવા લાગ્યા હતા. જોકે આખી ટ્રેનમાં તેનાં માતા-પિતા મળ્યાં નહોતાં. અંતે ટ્રેન દાદર પહોંચી ત્યારે પ્રવાસીઓ બાળકીને લઈને અમારી પાસે આવ્યા હતા. ત્યાર બાદ અમે પણ આગળનાં રેલવે-સ્ટેશનો પર તેનાં માતા-પિતા ​વિશે પુછાવ્યું હતું. એની સાથે બાળકી સાથે વાત કરવાની કો​શિશ કરી હતી. જોકે બાળકી માત્ર બે જ વર્ષની હોવાથી તે ક્યાંથી આવી છે, તેને કોણ અને કેટલા વાગ્યે મૂકી ગયું તથા તે ક્યાંથી ટ્રેનમાં ચડી એની કોઈ માહિતી તેની પાસે નહોતી. એમ છતાં અમારી અલગ-અલગ ટીમોએ ૨૪ કલાક તેનાં માતા-પિતાની શોધ કરી હતી. જોકે તેઓ ન મળી આવતાં પ્રાથમિક તપાસમાં તેનાં માતા-પિતાએ તેને ઇરાદાપૂર્વક ટ્રેનમાં મૂકી હોવાનું સમજાતાં અમે તેમની વિરુદ્ધ ફરિયાદ નોંધી છે. આગળની તપાસ અમે કલ્યાણ રેલવે પોલીસને સોંપી છે.’


Whatsapp-channel Whatsapp-channel

07 June, 2024 10:38 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK