° °

આજનું ઇ-પેપર
Monday, 05 December, 2022


દાઉદ ઇબ્રાહિમ ઘડી રહ્યો છે નરેન્દ્ર મોદીને મારવાનું કાવતરું

23 November, 2022 11:16 AM IST | Mumbai
Gujarati Mid-day Correspondent | feedbackgmd@mid-day.com

... અને બે લોકોને હત્યાની સુપારી આપી છે : ટ્રાફિક પોલીસના વૉટ્‌સઍપ નંબર પર બે દિવસમાં ૧૯ ઑડિયો-ક્લિપ અને ૨૦ મેસેજ આવતાં પોલીસ દોડતી થઈ : છેવટે કૉલ કરનાર માનસિક રોગી હોવાનું જણાયું

ફાઇલ તસવીર

ફાઇલ તસવીર

ટ્રાફિક પોલીસ વિભાગના એક વૉટ્‌સઍપ નંબર પર બે દિવસમાં ૧૯ ઑડિયો ક્લિપ અને ૨૦ મેસેજ મોકલીને એક વ્યક્તિએ વડા પ્રધાન નરેન્દ્ર મોદીને જાનથી મારી નાખવાનું કાવતરું અન્ડરવર્લ્ડ ડૉન દાઉદે ઘડ્યું હોવાની માહિતી આપતાં મુંબઈ પોલીસ કામે લાગી હતી. જોકે તપાસમાં જણાયું હતું કે ડાયમન્ડના દાગીના બનાવતી એક કંપનીમાં અગાઉ કામ કરતા માનસિક રોગીએ આ કૉલ કર્યા હતા. કેરલામાંથી તેણે કૉલ કર્યા હોવાથી આ મામલે પોલીસે વધુ તપાસ હાથ ધરી છે.

મુંબઈની ટ્રાફિક પોલીસના વૉટ્‌સઍપ કન્ટ્રોલ નંબર પર છેલ્લા કેટલાક સમયથી બૉમ્બધડાકા કરવાના કે મોટી હસ્તીને જાનથી મારી નાખવાની ધમકીના કૉલ મળી રહ્યા છે. એની તપાસમાં જણાયું હતું કે કોઈ પરેશાન કે માનસિક સ્થિતિ સારી ન હોય એવા લોકોએ આવી કરતૂત કરી હતી. જોકે પોલીસ ધમકીના કોઈ પણ કૉલ કે મેસેજને ગંભીરતાથી લે છે. ટ્રાફિક પોલીસને ૨૦ અને ૨૧ નવેમ્બરે ફરી ધમકીના કૉલ મળતાં પોલીસ દોડતી થઈ હતી.

૨૦ નવેમ્બરે ટ્રાફિક પોલીસના વૉટ્‌સઍપ નંબર પર ૭ ઑડિયો ક્લિપ અને ૧૧ મેસેજ અને ૨૧ નવેમ્બરે ૧૨ ઑડિયો ક્લિપ અને ૯ મેસેજ મળ્યા હતા. એમાં કૉલ કરનારે કહ્યું હતું કે અન્ડરવર્લ્ડ ડૉન દાઉદ ઇબ્રાહિમે વડા પ્રધાન નરેન્દ્ર મોદીની હત્યા કરવાનો પ્લાન બનાવ્યો છે અને હત્યાની સુપારી મુસ્તાક અહમદ અને મુસ્તાક નામની બે વ્યક્તિને આપી છે.

મુંબઈ પોલીસના એક ઉચ્ચ અધિકારીના જણાવ્યા મુજબ આ કૉલ અને મેસેજ વડા પ્રધાન નરેન્દ્ર મોદીને લગતા હોવાથી મુંબઈ પોલીસે એને ગંભીરતાથી લીધા હતા અને તપાસ હાથ ધરી હતી. એમાં કૉલરના નંબર પરથી જણાઈ આવ્યું હતું કે સુપ્રભાત બેજ નામની વ્યક્તિએ આ કૉલ કર્યા હતા. પોલીસે બાદમાં આરોપી જ્યાં કામ કરતો હતો એ ડાયમન્ડ કંપનીમાં સંપર્ક કરતાં ખ્યાલ આવ્યો હતો કે સુપ્રભાત અહીં કામ કરતો હતો, પરંતુ તેની માનસિક સ્થિતિ સારી ન હોવાથી તેને કામ પર ન આવવાનું કહેવામાં આવ્યું હતું. 

23 November, 2022 11:16 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

ખંડણીના કેસમાં ‘ડી’ ગૅન્ગના પાંચ ગુંડાની કરાઈ ધરપકડ

ઍન્ટિ-એક્સ્ટૉર્શન સેલે ગયા મહિને જ દાઉદના સાગરીત છોટા શકીલના બનેવી સલીમ કુરેશી ઉર્ફે સલીમ ફ્રૂટ અને બિઝનેસમૅન રિયાઝ ભાટીની ખંડણીના એક કેસમાં ધરપકડ કરી હતી

12 October, 2022 11:33 IST | Mumbai | Gujarati Mid-day Online Correspondent
મુંબઈ સમાચાર

દાઉદના સાગરીતની ખંડણી માગવા બદલ કરાઈ ધરપકડ

મુંબઈ પોલીસના ઍન્ટિ-એક્સ્ટૉર્શન સેલની ટીમે અન્ડરવર્લ્ડ ડૉન દાઉદ ઇબ્રાહિમના નજીકના સાથી રિયાઝ ભાટીની અંધેરીના એક બિઝનેસમૅન પાસેથી ખંડણી માગવાના અને રૂપિયા નહીં આપે તો જાનથી મારી નાખવાની ધમકી આપવાના આરોપસર ધરપકડ કરી હોવાનું જાણવા મળ્યું હતું.

28 September, 2022 12:29 IST | Mumbai | Gujarati Mid-day Correspondent
મુંબઈ સમાચાર

કોર્ટમાં EDની રજૂઆત, નવાબ મલિક નિર્દોષ નથી, દાઉદની બહેન સાથે હતો વ્યવહાર

રાષ્ટ્રવાદી કોંગ્રેસ પાર્ટીના નેતા મલિક (63)ની 23 ફેબ્રુઆરીએ ED દ્વારા દાઉદ ઈબ્રાહિમ અને તેના સાથીદારો સાથે સંબંધિત પ્રવૃત્તિઓની તપાસ સંબંધિત કેસમાં ધરપકડ કરવામાં આવી હતી.

15 September, 2022 12:42 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK