દુબઈ થી મુંબઈ (Dubai to Mumbai flight)જતી ઈન્ડિગોની ફ્લાઈટ (Indigo Flight)માં નશાની હાલતમાં બે મુસાફરોએ કેબિન ક્રૂ અને સહ-યાત્રીઓ સાથે કથિત રીતે ગેરવર્તન કર્યું હતું.
પ્રતિકાત્મક તસવીર
દુબઈ થી મુંબઈ (Dubai to Mumbai flight)જતી ઈન્ડિગોની ફ્લાઈટ (Indigo Flight)માં નશાની હાલતમાં બે મુસાફરોએ કેબિન ક્રૂ અને સહ-યાત્રીઓ સાથે કથિત રીતે ગેરવર્તન કર્યું હતું. આ મામલો સામે આવ્યા બાદ બંને મુસાફરોની મુંબઈમાં ધરપકડ કરવામાં આવી હતી. પોલીસે જણાવ્યું કે આ મામલે એરલાઈન ઈન્ડિગો વતી ફરિયાદ કરવામાં આવી હતી, ત્યારબાદ એફઆઈઆર નોંધીને બંને મુસાફરોની ધરપકડ કરવામાં આવી હતી. જોકે, અહીં તેને કોર્ટમાંથી કેસમાં જામીન મળી ગયા હતા.
પોલીસના જણાવ્યા અનુસાર, “બંને આરોપીઓ કોલ્હાપુર અને પાલઘરના નાલાસોપારાના રહેવાસી છે. તેઓ એક વર્ષ ગલ્ફ કન્ટ્રીમાં કામ કર્યા બાદ પરત ફરી રહ્યા હતા.” અધિકારીએ જણાવ્યું કે બંને આરોપીઓ દેશ પરત ફરવાની ખુશીમાં દારૂ પી રહ્યા હતા. તેમના નામ છે દત્તાત્રેય બાપર્ડેકર અને જોન જ્યોર્જ ડિસોઝા. એક પોલીસ અધિકારીએ કહ્યું, જ્યારે અન્ય મુસાફરોએ તેમના હંગામા સામે વાંધો ઉઠાવ્યો, ત્યારે તેઓએ તેમની અને દખલ કરનાર ક્રૂ સભ્યો સાથે દુર્વ્યવહાર કર્યો હતો.
ADVERTISEMENT
સહાર પોલીસ સ્ટેશનના એક અધિકારીએ જણાવ્યું હતું કે, બંને વિરુદ્ધ ભારતીય દંડ સંહિતાની કલમ 336 (અન્યના જીવન અથવા સલામતીને જોખમમાં મૂકે છે) અને ઉડ્ડયન નિયમોની સંબંધિત કલમો હેઠળ કેસ નોંધવામાં આવ્યો છે.
આ પણ વાંચો: હવામાં હાર્ટ એટેક આવે તો...?બેંગકોકથી મુંબઈ આવતી ઈન્ડિગો ફ્લાઈટમાં બન્યો અણબનાવ
આ વર્ષે પ્લેનમાં દુર્વ્યવહારની આ સાતમી ઘટના છે
અધિકારીઓએ જણાવ્યું હતું કે આ વર્ષે કોઈ પેસેન્જર દ્વારા બોર્ડમાં ગેરવર્તન કરવાની આ સાતમી ઘટના છે. અગાઉ, 11 માર્ચે, લંડન-મુંબઈ ફ્લાઈટના ટોઈલેટમાં ધૂમ્રપાન કરવા અને તેની ઈમરજન્સી એક્ઝિટ ખોલવાનો પ્રયાસ કરવા બદલ એક વ્યક્તિની ધરપકડ કરવામાં આવી હતી.
