° °

આજનું ઇ-પેપર
Friday, 16 April, 2021

રોડ પર નો પાર્કિંગનું બોર્ડ ન હોવા છતા પણ 90 ગાડીઓ વિરુદ્ધ થઈ કાર્યવાહી

07 March, 2021 09:51 AM IST | Mumbai | Mid-day Correspondent

રોડ પર નો પાર્કિંગનું બોર્ડ ન હોવા છતા પણ 90 ગાડીઓ વિરુદ્ધ થઈ કાર્યવાહી

ક્લૅમ્પ લગાવવા બાબતે ટ્રાફિક-પોલીસ સાથે દલીલ કરી રહેલા લોકો.

ક્લૅમ્પ લગાવવા બાબતે ટ્રાફિક-પોલીસ સાથે દલીલ કરી રહેલા લોકો.

મુલુંડમાં ગઈ કાલે મુંબઈ ટ્રાફિકની સેન્ટ્રલ સ્ક્વૉડના જૉઇન્ટ ટ્રાફિક-કમિશનર યશસ્વી યાદવની ટીમે ૯૦ કરતાં વધુ વાહનો પર ક્લૅમ્પ લગાડીને કાર્યવાહી કરી હતી. અચાનક થયેલી આ કાર્યવાહીથી મુલુંડની જનતામાં ભારે રોષ જોવા મળી રહ્યો છે. મુલુંડના વિધાનસભ્યે આ બાબતને મુંબઈ પોલીસની દાદાગીરી કહીને એનો વિરોધ કર્યો હતો.

મુલુંડના મહાત્મા ગાંધી રોડની જમણી અને ડાબી બાજુએ પાર્ક થયેલાં ૯૦ વાહનો પર મુંબઈ ટ્રાફિકના જૉઇન્ટ ટ્રાફિક-કમિશનર યશસ્વી યાદવની સેન્ટ્રલ સ્ક્વૉડે કાર્યવાહી કરી હતી. જોકે આ રોડ પર કોઈ જગ્યાએ નો પાર્કિંગનું બોર્ડ લગાડેલું નથી છતાં માત્ર જનતાને પરેશાન કરવા માટે ટ્રાફિક વિભાગ દ્વારા કાર્યવાહી કરવામાં આવી હોવાનો જનતાએ આરોપ લગાડ્યો હતો. આ કાર્યવાહી બાદ વાહનોના ક્લૅમ્પ કાઢવા દંડરૂપે લાખો રૂપિયા વસૂલ્યા હતા.

કાર્યવાહીનો ભોગ બનેલા અજય ગિરિએ ‘મિડ-ડે’ને કહ્યું હતું કે ‘મુલુંડના એમ. જી. રોડ પર એક પણ જગ્યાએ નો પાર્કિંગનું બોર્ડ લાગેલું નથી. એમ છતાં તેમણે અનેક વાહનો વિરુદ્ધ કાર્યવાહી કરી હતી. આ કેટલું યોગ્ય છે? આ કાર્યવાહી કર્યા બાદ ફાઇન ભર્યા પછી પણ લોકોએ બેથી ત્રણ કલાક બપોરના તડકામાં પરેશાન થવું પડ્યું હતું. અમારી કોઈ વાત સાંભળવા પોલીસ અધિકારીઓ તૈયાર થયા નહોતા.’

ટ્રાફિક-પોલીસનું શું કહેવું છે?
મુંબઈ ઈસ્ટર્ન સબર્બ્સના ટ્રાફિક ડેપ્યુટી કમિશનર ઑફ પોલીસ વિનાયક ઢાકનેએ ‘મિડ-ડે’ને કહ્યું હતું કે ‘આ કાર્યવાહી માત્ર મુલુંડને ટાર્ગેટ કરવા માટે નથી થઈ. આવી કાર્યવાહી આખા મુંબઈમાં રોજ અલગ-અલગ વિસ્તારોમાં કરવામાં આવે છે. આ કાર્યવાહી જૉઇન્ટ ટ્રાફિક કમિશનરની સેન્ટ્રલ સ્ક્વૉડ કરતી હોય છે.’

આ કાર્યવાહીથી લોકો ભારે રોષે ભરાયા છે. મુંબઈ પોલીસની દાદાગીરીથી આ કાર્યવાહી કરવામાં આવી છે. મેં જ્યારે તેમને પૂછ્યું કે તમે કેમ કાર્યવાહી કરી રહ્યા છો?

ત્યારે તેમણે વર્ષો જૂની કલમના આધારે કાર્યવાહી કરી હોવાનો જવાબ મને આપ્યો હતો.
- મુલુંડના વિધાનસભ્ય મિહિર કોટેચા

07 March, 2021 09:51 AM IST | Mumbai | Mid-day Correspondent

અન્ય લેખો

મુંબઈ સમાચાર

પોલીસ સાથે ગેરવર્તન કરવાના અને અપશબ્દ બોલવાના આરોપસર મુલુંડના વેપારીની ધરપકડ

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે.

16 April, 2021 12:30 IST | Mumbai | Mehul Jethva
મુંબઈ સમાચાર

મુંબઈ: બ્રેક ધ ચેઇન ઇફેક્ટ : રસ્તાઓ પર બહુ જ પાંખી અવરજવર

કોરોનાને રોકવા સરકાર દ્વારા કડક પ્રતિબંધ લગાડવામાં આવ્યા હોવાથી ફરી એક વાર મુંબઈગરાનું જીવન સ્થગિત થઈ ગયું છે અને એ દેખાઈ રહ્યું છે. ટ્રેનોમાં માત્ર અત્યાવશ્યક સેવા, સરકારી કર્મચારીઓ અને બહુ જ જરૂરી કામ હોય તો જ લોકો પ્રવાસ કરે છે. રસ્તાઓ પણ ખાલીખમ

16 April, 2021 12:33 IST | Mumbai | Bakulesh Trivedi
મુંબઈ સમાચાર

કોરોનાનો ખોટો નેગેટિવ રિપોર્ટ બનાવવાના આરોપસર લૅબના ટેક્નિશ્યનની થઈ ધરપકડ

લોકો પાસેથી રિપોર્ટદીઠ ૧૦૦૦ રૂપિયા લઈને કોઈ પણ જાતની ટેસ્ટ વિના મોબાઇલ પર મોકલી આપતો

16 April, 2021 12:50 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK