MNSએ મીરા-ભાઈંદરમાં રિક્ષાચાલકો માટે મરાઠી ભાષાના મફત વર્ગ શરૂ કર્યા છે.
MNS દ્વારા શરૂ કરાયેલા મરાઠી શીખવાના ક્લાસમાં ઘણા રિક્ષા-ડ્રાઇવર આવ્યા હતા.
ટ્રાન્સપોર્ટ મિનિસ્ટર પ્રતાપ સરનાઈકે રિક્ષા અને ટૅક્સી-ડ્રાઇવરોને મરાઠી ભાષા આવડવી જોઈએ અને જો ન આવડે તો તેમનાં લાઇસન્સ કૅન્સલ થઈ શકે એવા નિર્દેશ આપ્યા બાદ ખાસ કરીને અન્ય રાજ્યોમાંથી આવેલા અને અહીં વસેલા રિક્ષા અને ટૅક્સી-ડ્રાઇવર ચિંતામાં મુકાઈ ગયા છે. હવે મરાઠી ન બોલનારને ધમકી આપનાર અને તેમની મારપીટ કરનાર મહારાષ્ટ્ર નવનિર્માણ સેના (MNS)એ ડ્રાઇવરોને મરાઠી શીખવવાનું શરૂ કર્યું છે.
MNSએ મીરા-ભાઈંદરમાં રિક્ષાચાલકો માટે મરાઠી ભાષાના મફત વર્ગ શરૂ કર્યા છે. ગઈ કાલે શરૂ થયેલા ક્લાસમાં ભારે ભીડ જોવા મળી હતી અને એમાં ૧૦૦થી ૧૫૦ જેટલા રિક્ષા-ડ્રાઇવરોએ ભાષા શીખવા માટે ભાગ લીધો હતો. ડ્રાઇવરોએ આ પહેલ માટે MNSનો આભાર માન્યો હતો.
