મહારાષ્ટ્રના થાણે શહેરમાં બુધવારે બપોરે 27 માળની રહેવાસી ઈમારતના એક અપાર્ટમેન્ટમાં આગ લાગવાથી 47 વર્ષીય એક શખ્સનું નિધન થઈ ગયું છે. થાણે નગર નિગમના અધિકારીઓએ આ માહિતી આપી છે.
પ્રતીકાત્મક તસવીર
મહારાષ્ટ્રમાં થાણે શહેરમાંથી એક દુઃખદ સમાચાર સામે આવ્યા છે. થાણે શહરેમાં બુધવારે બપોરે 27 માળની રહેવાસી ઈમારતમાં એક અપાર્ટમેન્ટમાં આગ લાગવાથી 47 વર્ષીય એક વ્યક્તિનું મોત નીપજ્યું છે. ભીષણ આગ લાગવાથી ઘરના રૂમ અને ફર્નિચર સહિત અનેક ઘરગથ્થૂ સામાન બળીને રાખ થઈ ગયો છે. બચાવ કર્મચારીઓએ ફ્લેટના એક રૂમમાં અરુણ ડોડિયા નામની વ્યક્તિને બેભાન અવસ્થામાં જોઈ.
મહારાષ્ટ્રના થાણે શહેરમાં બુધવારે બપોરે 27 માળની રહેવાસી ઈમારતના એક અપાર્ટમેન્ટમાં આગ લાગવાથી 47 વર્ષીય એક શખ્સનું નિધન થઈ ગયું છે. થાણે નગર નિગમના અધિકારીઓએ આ માહિતી આપી છે.
ADVERTISEMENT
થાણે નગર નિગમના આપત્તિ પ્રબંધન પ્રકોષ્ઠના પ્રમુખ યાસીન તડવીએ જણાવ્યું કે તુલસીધામ સોસાઈટીમાં ઈમારતના ચોથામાળે અપાર્ટમેન્ટમાં સવારે 3.11 વાગ્યે આગ લાગી. તેમણે જણાવ્યું કે સૂચના મળ્યા પછીથી બાલકુમથી ફાયર વિભાગના કર્મચારીઓ અને ક્ષેત્રીય આપદા પ્રબંધન પ્રકોષ્ઠની ટીમ ઘટનાસ્થળે પહોંચી.
બચાવકર્તાઓએ અરુણ કેડિયાને ફ્લેટના એક રૂમમાં બેભાન અવસ્થામાં જોયો હતો. તેને તાત્કાલિક નજીકની હોસ્પિટલમાં લઈ જવામાં આવ્યો હતો જ્યાં ડોક્ટરોએ તેને મૃત જાહેર કર્યો હતો, એમ અધિકારીએ જણાવ્યું હતું. ઘરમાં બે સગીર સહિત અન્ય ચાર લોકો બચી ગયા હતા, એમ તેમણે જણાવ્યું હતું.
આગમાં ઘરની વસ્તુઓ, કપડાં અને પુસ્તકો બળીને ખાખ થઈ ગયા હતા. સવારે 4.22 વાગ્યે આગ પર કાબૂ મેળવી લેવાયો હતો, એમ અધિકારીએ જણાવ્યું હતું. તેમણે કહ્યું કે આગ ફાટી નીકળ્યા પછી તરત જ બિલ્ડિંગના અન્ય રહેવાસીઓ તેમના એપાર્ટમેન્ટમાંથી બહાર દોડી આવ્યા હતા. આગ લાગવાના કારણની તપાસ કરવામાં આવી રહી છે, એમ અધિકારીએ જણાવ્યું હતું.
ઉલ્લેખનીય છે કે ગઈ કાલે એટલે કે 11 જૂન 2024ના રોજ થાણેની એક ડાયપર ફેક્ટ્રીમાં આગ લાગી હતી. જો કે, અહીં કોઈપણ જાનહાનિ થઈ નહોતી. થાણેમાં એક ફેક્ટ્રીમાં ભીષણ આગ લાગી ગઈ છે. ઘટનાસ્થળે ફાયરબ્રિગેડની ગાડીઓ હાજર છે અને આગ ઓલવવાનો પ્રયત્ન કરવામાં આવી રહ્યો છે.
મહારાષ્ટ્રના થાણેના ભિવંડી તાલુકાના સરાવલી MIDCમાં એક ફેક્ટ્રીમાં આગ લાગી ગઈ છે. ઘટનાસ્થળે ફાયર વિભાગની ગાડીઓ પહોંચી ગઈ છે. આગના સમાચાર મળતા જ લોકો અહીંયા-ત્યાં પોતાનો જીવ બચાવીને દોડવા માંડ્યા. આગ લાગવાની ઘટનાનો એક વીડિયો પણ સામે આવ્યો છે.
મંગળવારે વહેલી સવારે જિલ્લાના ભિવંડી વિસ્તારમાં સેનિટરી નેપકિન ફેક્ટરીમાં આગ લાગી હતી, પરંતુ કોઈ જાનહાનિ નોંધાઈ ન હતી, એમ એક નાગરિક અધિકારીએ જણાવ્યું હતું. ભિવંડી-નિઝામપુર મ્યુનિસિપલ કોર્પોરેશન ડિઝાસ્ટર મેનેજમેન્ટ સેલના અધિકારી રાજુ વાર્લિકરે જણાવ્યું હતું કે સવારે 3 વાગ્યાની આસપાસ સરાવલી ઔદ્યોગિક વિસ્તારમાં આવેલી ફેક્ટરીમાં આગ લાગી હતી. થાણે અને કલ્યાણ-ડોમ્બિવલીની ટીમો સાથે બીએનએમસીની ફાયર બ્રિગેડની ટીમો ઘટનાસ્થળે પહોંચી હતી અને સવારે 8.30 વાગ્યે આગ પર કાબૂ મેળવ્યો હતો, એમ તેમણે જણાવ્યું હતું. કોઈ જાનહાનિના અહેવાલ નથી પરંતુ ફેક્ટરીમાં સંગ્રહિત કાચો માલ આગમાં બળીને ખાખ થઈ ગયો હતો, એમ તેમણે જણાવ્યું હતું.
