° °

આજનું ઇ-પેપર
Tuesday, 27 September, 2022


જન્મદિવસનું કર્યું અનોખું સેલિબ્રેશન

20 September, 2022 10:21 AM IST | Mumbai
Priti Khuman Thakur | priti.khuman@mid-day.com

મલાડની જૈન મહિલાએ આ દિવસે એક્સરસાઇઝ કરીને હેલ્થ ઇઝ વેલ્થ મંત્રને જીવનમાં અનુસરવાનો લોકોને આપ્યો સંદેશ : કેક કાપવાને બદલે કલાકો સ્વિમિંગ કરીને બર્થ-ડે ઊજવ્યો

મલાડની મહિલાએ કેક કાપવાને બદલે ​કલાકો સ્વિમિંગ કરીને જન્મદિવસ ઊજવ્યો

મલાડની મહિલાએ કેક કાપવાને બદલે ​કલાકો સ્વિમિંગ કરીને જન્મદિવસ ઊજવ્યો

‘હેલ્થ ઇઝ વેલ્થ’ એ વાત આપણે લોકો વર્ષોથી સાંભળતા આવ્યા છીએ, પરંતુ એના પર અમલ ભાગ્યે જ થતો હોય છે. જોકે આજના ભાગદોડવાળા જીવનમાં હેલ્થ પર ધ્યાન આપવું જરૂરી થઈ ગયું છે. એથી જન્મદિવસ હોય કે રોજનું રૂટીન જીવન, એક્સરસાઇઝ ઇઝ મસ્ટ અને એ કરીને હેલ્ધી રહેવું એવો સંદેશ આપવા મલાડ-વેસ્ટના આદર્શનગરમાં રહેતાં ૫૬ વર્ષનાં સીમા વોરાએ કંઈ અનોખી રીતે પોતાનો જન્મદિવસ ઊજવ્યો હતો. લોકો રાતના ૧૨ વાગ્યે કેક કાપીને પોતાનો જન્મદિવસ ઊજવતા હોય છે ત્યારે આ જૈન મહિલાએ કલાકો સ્વિમિંગ કરીને જન્મદિવસ ઊજવ્યો હતો.

આ વિશે વધુ માહિતી આપતાં મલાડમાં રહેતાં અને ઇન્ટીરિયર ડિઝાઇનિંગનું કામકાજ કરતાં સીમા વોરાએ ‘મિડ-ડે’ને જણાવ્યું હતું કે ‘હું છેલ્લાં દસેક વર્ષથી સ્વિમિંગ કરું છું અને અનેક નાની-મોટી સ્પર્ધામાં પણ ભાગ લીધો છે. હેલ્થ જાળવવી એ ખૂબ મહત્ત્વની છે. લોકો હેલ્થ પર પણ એટલું જ ધ્યાન આપે એ ઉદ્દેશથી મેં મારો જન્મદિવસ અલગ રીતે ઊજવ્યો હતો. મારો રવિવારે જન્મદિવસ હતો અને એ રાતે ૧૨ વાગ્યે કેક કાપીને ઊજવવામાં આવે છે. જોકે મેં એમ કર્યું નહોતું. ડોમ્બિવલી પાસે આવેલી પલાવા સિટીમાં ઑલિમ્પિક્સમાં હોય એ સાઇઝનો સ્વિમિંગ-પૂલ છે. ત્યાં Dusk to Dawn 2022 નામની સ્પર્ધામાં ૧૨ કલાક નાઇટ સ્વિમિંગમાં મેં ભાગ લીધો હતો. મારી હું અને અન્ય ચાર મહિલાઓની ટીમ હતી. રાતના આઠ વાગ્યાથી સવારના આઠ વાગ્યા સુધી એમ ૧૨ કલાક અમારી ટીમ એક કલાક સ્વિમિંગ રિલે કરતી હતી. રાતના ૧૨ વાગ્યે હું સ્વિમિંગ-પૂલમાં સ્વિમ કરતી હતી. મિત્રોને મારા જન્મદિવસની જાણ હતી એટલે સ્પર્ધા બાદ તેમણે મારો જન્મદિવસ સાદાઈથી ઊજવ્યો હતો.’

20 September, 2022 10:21 AM IST | Mumbai | Priti Khuman Thakur

અન્ય લેખો

મુંબઈ સમાચાર

નૅશનલ હાઇવે પર સમૂહશ્રાદ્વ

આ સ્થળે અકસ્માતમાં જીવ ગુમાવનારા લોકો માટે થયું શ્રાદ્વનું આયોજન : હાઇવે ઑથોરિટી અને કૉન્ટ્રૅક્ટર કંપનીને પણ પ્રતીકાત્મક શ્રાદ્ધ અર્પણ કરવામાં આવ્યું

26 September, 2022 01:54 IST | Mumbai | Priti Khuman Thakur
મુંબઈ સમાચાર

લોનના નામે કરોડોની છેતરપિંડી

આરોપીઓ રાજસ્થાનના રાજા-મહારાજા પાસેથી વ્યાજના ઓછા દરે લોન અપાવવાના નામે લોકોને ફસાવતા અને સ્ટૅમ્પ-ડ્યુટી અને પેપરવર્કના નામે પૈસા લઈ છેતરપિંડી કરીને થઈ જતા ફરાર : નકલી બૅન્ક-અધિકારી અને કો-ઑર્ડિનેટરની ધરપકડ, જ્યારે રાજા બનનાર મુખ્ય આરોપી ફરાર

24 September, 2022 09:55 IST | Mumbai | Priti Khuman Thakur
મુંબઈ સમાચાર

પુણ્ય બન્યું પાપ

ગુજરાતી પરિવારે માતાની દસમાની ક્રિયા બાદ તેની પસંદગીની ચૉકલેટ બાળકોમાં વહેંચવાને કારણે ગેરસમજ થઈ : વિરારમાં બાળકોનું અપહરણ કરતી ગૅન્ગ હોવાની અફવા ફેલાઈ

24 September, 2022 08:26 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK