મૅનેજિંગ કમિટીમાં અનામત બેઠકોની જોગવાઈ હટાવી લેવાઈ : બે મહિલા સહિત ૭ મેમ્બરોની કમિટી બનાવી શકાશે
પ્રતીકાત્મક તસવીર
પચાસથી ઓછા મેમ્બરો ધરાવતી મુંબઈ શહેર અને મહારાષ્ટ્રની આશરે ૫૦,૦૦૦થી વધારે હાઉસિંગ સોસાયટીઓ હવે અનામત કૅટેગરીની પોસ્ટ ભર્યા વિના મૅનેજિંગ કમિટીની ચૂંટણી કરી શકશે. રાજ્યના હાઉસિંગ વિભાગે આ વર્ષે ત્રીજી જાન્યુઆરીએ બહાર પાડેલા એના સર્ક્યુલરમાં સુધારો કર્યો છે. અગાઉના સર્ક્યુલર મુજબ કમિટી મેમ્બરોની સંખ્યા ૧૧થી ઘટાડીને પાંચ કરી દેવામાં આવી હતી અને એમાં એક જ બેઠક ઓપન કૅટેગરી માટે હતી, જ્યારે બાકીની ૪ બેઠકો અનુસૂચિત જાતિ અને અનુસૂચિત જનજાતિ (SC/ST), અધર બૅકવર્ડ ક્લાસ (OBC), વિમુક્ત જાતિ અને નોમેડિક ટ્રાઇબ્સ (VJNT) અને મહિલા ઉમેદવાર માટે અનામત રાખવામાં આવી હતી.