Maharashtra Fuel Saving Move: પશ્ચિમ એશિયામાં ચાલી રહેલા તણાવ અને ઇંધણ બચાવવાના સંદેશ વચ્ચે મહારાષ્ટ્રના મુખ્યમંત્રી Devendra Fadnavisએ એક પ્રતીકાત્મક પગલું ભર્યું છે.
CM ફડણવીસે ચાર્ટર્ડ પ્લેન છોડીને ઇકોનોમી ક્લાસમાં કરી મુસાફરી
પશ્ચિમ એશિયામાં ચાલી રહેલા તણાવ અને ઇંધણ બચાવવાના સંદેશ વચ્ચે મહારાષ્ટ્રના મુખ્યમંત્રી દેવેન્દ્ર ફડણવીસએ એક પ્રતીકાત્મક પગલું ભર્યું છે. પુણેથી બેંગલુરુ જવા માટે તેમણે રાજ્ય સરકારના ચાર્ટર્ડ વિમાનનો ઉપયોગ કરવાની જગ્યાએ સામાન્ય કોમર્શિયલ ફ્લાઇટમાં ઇકોનોમી ક્લાસમાં મુસાફરી કરી હતી. આ નિર્ણય પ્રધાનમંત્રી પ્રધાનમંત્રી મોદી દ્વારા કરવામાં આવેલી ઇંધણ બચાવવાની અપીલ બાદ લેવામાં આવ્યો હોવાનું માનવામાં આવે છે. પ્રધાનમંત્રી મોદીએ અગાઉ દેશવાસીઓને ઇંધણ બચાવવા અને સંસાધનોનો જવાબદારીપૂર્વક ઉપયોગ કરવાની અપીલ કરી હતી. પશ્ચિમ એશિયામાં વધતા તણાવને કારણે વૈશ્વિક સપ્લાય ચેઇન અને ક્રૂડ ઓઇલના ભાવમાં અસ્થિરતા સર્જાઈ રહી હોવાનું તેમણે જણાવ્યું હતું. મોદીએ લોકોને વધુમાં વધુ મેટ્રો જેવી જાહેર પરિવહન સેવાઓનો ઉપયોગ કરવા અને પર્યાવરણમિત્ર જીવનશૈલી અપનાવવાની પણ અપીલ કરી હતી, જેથી ઇંધણ વપરાશ અને દેશના વિદેશી મુદ્રા ભંડાર પરનો દબાણ ઘટાડી શકાય.
ANI દ્વારા શેર કરવામાં આવેલી માહિતી અનુસાર, ફડણવીસે રાજ્ય સરકારના ખર્ચમાં કાપ અને ઇંધણ બચાવવાના પ્રયાસોના ભાગરૂપે આ નિર્ણય લીધો હતો. હાલમાં અમેરિકા-ઇરાન વચ્ચેના તણાવને કારણે વૈશ્વિક તેલ પુરવઠા અને આંતરરાષ્ટ્રીય બજારમાં ક્રૂડ ઓઇલના ભાવને લઈને અનિશ્ચિતતા વધી રહી છે.
વિધાન ભવન સુધી બાઈક પર પહોંચ્યા ફડણવીસ
આ પહેલાં પણ મુખ્યમંત્રીએ એક અનોખું પગલું ભર્યું હતું. નવા વિધાન પરિષદ સભ્યોના શપથવિધિ સમારંભમાં હાજરી આપવા માટે તેઓ પોતાના સત્તાવાર નિવાસ ‘વર્ષા’થી દક્ષિણ મુંબઈ સ્થિત વિધાન ભવન સુધી બાઈક પર પહોંચ્યા હતા. આ દરમિયાન ભાજપના નેતા અને મહારાષ્ટ્ર સરકારના મંત્રી આશિષ શેલાર પણ તેમની સાથે હતા.
પત્રકારો સાથે વાતચીત દરમિયાન ફડણવીસે જણાવ્યું હતું કે મહારાષ્ટ્ર સરકારે પહેલેથી જ ઇંધણ બચત અને અનાવશ્યક ખર્ચ ઘટાડવા માટે વિવિધ કડક પગલાં અમલમાં મૂક્યાં છે. તેમાં મંત્રીઓના કાફલાનો કદ ઘટાડવો, મંત્રીઓ અને અધિકારીઓના બિનજરૂરી વિદેશ પ્રવાસ રદ કરવાના નિર્ણય તેમજ આગામી છ મહિના સુધી મોટા સરકારી કાર્યક્રમો ટાળવાનો સમાવેશ થાય છે.
તેમણે વધુમાં જણાવ્યું હતું કે બાઈક રાઈડ દ્વારા સામાન્ય નાગરિકોમાં ઇંધણ બચત અને સંસાધનોના જવાબદાર ઉપયોગ અંગે જાગૃતિ ફેલાવવાનો પ્રયાસ કરવામાં આવ્યો છે.
ઉપમુખ્યમંત્રીઓએ પણ અપનાવ્યો ઈકો-ફ્રેન્ડલી રસ્તો
આ જ અભિયાનના ભાગરૂપે મહારાષ્ટ્રના ઉપમુખ્યમંત્રી એકનાથ શિંદે અને સુનેત્રા પવાર વિધાન ભવન અને મંત્રાલય સુધી ઇલેક્ટ્રિક વાહનોમાં મુસાફરી કરતા જોવા મળ્યા હતા.
પ્રધાનમંત્રી મોદીની અપીલ
પ્રધાનમંત્રી મોદીએ અગાઉ દેશવાસીઓને ઇંધણ બચાવવા અને સંસાધનોનો જવાબદારીપૂર્વક ઉપયોગ કરવાની અપીલ કરી હતી. પશ્ચિમ એશિયામાં વધતા તણાવને કારણે વૈશ્વિક સપ્લાય ચેઇન અને ક્રૂડ ઓઇલના ભાવમાં અસ્થિરતા સર્જાઈ રહી હોવાનું તેમણે જણાવ્યું હતું.
મોદીએ લોકોને વધુમાં વધુ મેટ્રો જેવી જાહેર પરિવહન સેવાઓનો ઉપયોગ કરવા અને પર્યાવરણમિત્ર જીવનશૈલી અપનાવવાની પણ અપીલ કરી હતી, જેથી ઇંધણ વપરાશ અને દેશના વિદેશી મુદ્રા ભંડાર પરનો દબાણ ઘટાડી શકાય.
