Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > મેટ્રોમાં ઘાટકોપર આવતા કે ઘાટકોપરથી જતા લોકો રખડી પડ્યા

મેટ્રોમાં ઘાટકોપર આવતા કે ઘાટકોપરથી જતા લોકો રખડી પડ્યા

16 May, 2024 09:08 AM IST | Mumbai
Gujarati Mid-day Correspondent | feedbackgmd@mid-day.com

મેટ્રોના હજારો મુસાફરોએ ઑફિસથી ઘરે પહોંચવા માટે હાલાકી ભોગવવી પડી હતી

ઘાટકોપર મેટ્રો સ્ટેશન પાસે અટવાયેલાં પ્રવાસીઓ

ઘાટકોપર મેટ્રો સ્ટેશન પાસે અટવાયેલાં પ્રવાસીઓ


ઘાટકોપરમાં વડા પ્રધાન નરેન્દ્ર મોદીનો ગઈ કાલે લાલ બહાદુર શાસ્ત્રી માર્ગ પર રોડ-શો હોવાથી મુંબઈની મેટ્રો વન સાંજના છ વાગ્યાથી રાતના ૭.૪૦ વાગ્યા સુધી ઘાટકોપરથી જતી નહોતી અને ઘાટકોપર સુધી આવતી નહોતી. એને કારણે મેટ્રોના હજારો મુસાફરોએ ઑફિસથી ઘરે પહોંચવા માટે હાલાકી ભોગવવી પડી હતી.

અમે ઑફિસથી છૂટીને ઘરે પહોંચવા માટે વિક્રોલીના કૈલાસ કૉમ્પ્લેક્સથી દોઢ કિલોમીટર ચાલીને અમારા રોજિંદા ક્રમ પ્રમાણે ઘાટકોપર મેટ્રો પકડવા આવ્યા હતા એમ જણાવતાં અંધેરીમાં રહેતા અમરીશ કપૂરે ‘મિડ-ડે’ને કહ્યું હતું કે ‘અમને નરેન્દ્ર મોદીના રોડ-શોની ખબર હતી, પણ એને કારણે મેટ્રો બંધ થશે એની જાણકારી નહોતી. અમે સ્ટેશન પર પહોંચ્યા તો અમને મેટ્રોની જાળી બંધ જોવા મળી. ત્યારે અમને ખબર પડી કે મેટ્રો બંધ છે. અમે જેન્ટ્સ તો ગમે એમ ઘરે પહોંચી જઈશું, પરંતુ અમારી સાથેની બધી મ​હિલાઓ હતાશ થઈ ગઈ હતી. બધી બાજુના રોડ બંધ કરી દીધા હોવાથી તેમના માટે લોકલ ટ્રેન સિવાય કોઈ જ વિકલ્પ નહોતો. અમારી એક મહિલા સાથીદારનું તો આ સમાચાર સાંભળતાં જ બ્લડ-પ્રેશર લો થઈ ગયું હતું.’



ઘાટકોપરની ભટ્ટવાડીમાં રહેતા અને વેસ્ટર્ન એક્સપ્રેસ હાઇવે પર એક કંપનીમાં નોકરી કરતા જિલેશ મારુએ ‘મિડ-ડે’ને કહ્યું હતું કે ‘મારા જેવા અનેક લોકોએ વેસ્ટર્ન એક્સપ્રેસ હાઇવેથી સાંજના ૫.૫૫ વાગ્યે ઘાટકોપર આવવા છ વાગ્યા પહેલાં મેટ્રો પકડી હતી. જોકે અમને મરોલ પહોંચતાં ટ્રેન આગળ નહીં જાય એમ કહેવાને બદલે બગડી ગઈ છે એમ કહેવામાં આવ્યું હતું. એનાથી મુસાફરો ગુસ્સામાં આવી ગયા હતા, કારણ કે અમને બે કલાક પહેલાં ખબર પડી ગઈ હતી કે છ વાગ્યા પછી મેટ્રો ફક્ત જાગૃતિનગર સુધી જ જવાની છે. ટ્રેનને આગળ લઈ જવા જીદ પકડી એટલે આખરે અમને એ જ ટ્રેનમાં જાગૃતિનગર સુધી લાવવામાં આવ્યા હતા. ત્યાંથી બધા હેરાન થતા ઘાટકોપર ચાલીને આવ્યા હતા.’ 


Whatsapp-channel Whatsapp-channel

16 May, 2024 09:08 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK