° °

આજનું ઇ-પેપર
Sunday, 20 June, 2021


કસબ મરાઠી ભાષા પણ શીખી ગયો હતો

22 November, 2012 03:06 AM IST |

કસબ મરાઠી ભાષા પણ શીખી ગયો હતો

કસબ મરાઠી ભાષા પણ શીખી ગયો હતો

આર્થર રોડ જેલમાં બનાવવામાં આવેલી સ્પેશ્યલ ર્કોટની કાર્યવાહી દરમ્યાન જ તેણે સ્થાનિક ભાષા બહુ ઝડપથી શીખી લીધી હતી. એક વખત ર્કોટની કાર્યવાહી દરમ્યાન મે ૨૦૦૯માં તેણે કહ્યું કે નાહિ નાહિ, તાપ નાહિ (નથી-નથી, મને તાવ નથી). એક વખત સરકારી વકીલ ઉજ્જવલ નિકમને ર્કોટની કાર્યવાહી પૂરી થતાં કહ્યું કે તુમ્હી નિઘુન જા (તમે જઈ શકો છો). મુંબઈ પર હુમલો કરવા માટે તેને મળેલી વિશેષ લશ્કરી તાલીમ પણ એ માટે જવાબદાર હોઈ શકે છે એમ ઉજ્જ્વલ નિકમનું માનવું છે. રક્ષાબંધન વખતે કોઈ યુવતી તેને રાખડી બાંધવા આવશે કે નહીં એની પૂછપરછ પણ તે પોતાના વકીલ સાથે કરતો હતો મટન-બિરયાની ન મળતાં બહુ ગુસ્સો પણ કરતો હતો. બોલીવુડના ગાયક મુકેશનો પણ મોટો ચાહક હતો. એના ગીતો ગણગણ્યા કરતો હતો.

બુધવારે હત્યાકાંડ કરનાર કસબને બુધવારે જ ફાંસી

અજમલ કસબના જીવનમાં બુધવારનો દિવસ મહત્વનો રહ્યો હતો.  ૨૦૦૮ની ૨૬ નવેમ્બરે મુંબઈમાં તેના અન્ય નવ સાગરીતો સાથે ટેરર અટૅક કરીને હાહાકાર ફેલાવનાર અજમલ કસબને ગઈ કાલે બુધવારે જ પુણેની યેરવડા જેલમાં સવારે સાડાસાત વાગ્યે ફાંસી આપવામાં આવી હતી. રબરની ડિંગી (નાની બોટ)માં કોલાબાની મચ્છીમાર કૉલોનીમાં આવેલા અજમલ કસબ અને તેના સાગરીતોએ અંધાધૂંધ ગોળીબાર કરીને મુંબઈમાં હાહાકાર મચાવ્યો હતો. ૬૦ કલાક સુધી તેઓ આતંક મચાવતા રહ્યા હતા, જેમાં ૧૬૬ જણે જીવ ગુમાવ્યો હતો.

પત્રકારોને કસબના ગામમાં પ્રવેશતા રોકવામાં આવ્યા


કસબને ફાંસી આપ્યાના ન્યુઝ વહેતા થતાની સાથે જ પાકિસ્તાનના પંજાબ રાજ્યમાં આવેલા કસબના ગામ ફરીદકોટમાં સુરક્ષા-વ્યવસ્થા સઘન કરી દેવામાં આવી હતી. કેટલાક પત્રકારોએ ફરીદકોટ જવાનો પ્રયાસ કરતાં તેમને રોકવામાં આવ્યા હતા. પંજાબની રાજધાની લાહોરથી ૧૫૦ કિલોમીટરના અંતરે આવેલા ફરીદકોટની બહાર ટીવી ચૅનલના કૅમેરામેનોનો અટકાવવામાં આવ્યા હતા. કેટલાક લોકોએ તેમનો કૅમેરા આંચકી લેવાનો પણ પ્રયાસ કર્યો હતો. અટકાવનારાઓએ પત્રકારોને પકિસ્તાનને બદનામ નહીં કરવા કહ્યું હતું. પાકિસ્તાન અખબાર અને ન્યુઝ ચૅનલ્સના પત્રકારોએ બાદમાં જ્યારે પોલીસની મદદ માગી ત્યારે પોલીસે પણ તેમને સ્થળ છોડીને ચાલ્યા જવા કહ્યું હતું.

22 November, 2012 03:06 AM IST |

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK