° °

આજનું ઇ-પેપર
Thursday, 13 May, 2021


કોરોનાનો બનાવટી રિપોર્ટ આપતો ટેક્નિશિયન પકડાયો

12 April, 2021 10:50 AM IST | Mumbai | Bakulesh Trivedi

દરદીને બનાવટી રિપોર્ટ આપી ફીના રૂપિયા ચાંઉ કરી જનાર જાણીતી લૅબના ટેક્નિશિયનને ચારકોપ પોલીસે ઝડપી લીધો છે

પ્રતીકાત્મક તસવીર

પ્રતીકાત્મક તસવીર

દરદીનું કોરોનાનું સૅમ્પલ લેવા છતાં એ લૅબમાં ટેસ્ટિંગ માટે ન મોકલીને દરદીને બનાવટી રિપોર્ટ આપી ફીના રૂપિયા ચાંઉ કરી જનાર જાણીતી લૅબના ટેક્નિશિયનને ચારકોપ પોલીસે ઝડપી લીધો છે અને જેલ-કસ્ટડીમાં મોકલી આપ્યો છે.

ચારકોપ પોલીસે આ કેસમાં ૨૯ વર્ષના મોહમ્મદ સલીમ મોહમ્મદ ઉમરની ધરપકડ કરી છે. છેતરપિંડીના આ કેસ વિશે માહિતી આપતાં ચારકોપ પોલીસ-સ્ટેશનના સિનિયર પોલીસ-ઇન્સ્પેક્ટર મનોહર શિંદેએ ‘મિડ-ડે’ને કહ્યું હતું કે ‘આ કેસમાં ચારુ અમિત ચૌહાણ નામની મહિલાને તેના રિપોર્ટ વિશે શંકા જતાં અમને ફરિયાદ કરી હતી. એના આધારે તપાસ ચલાવીને અમે આરોપી મોહમ્મદ સલીમને ઝડપી લીધો હતો. સલીમ જે વ્યક્તિ કોરોનાની ટેસ્ટ કરાવવા આવે તે શા માટે આવે છે, તેને એ સર્ટિફિકેટ ઑફિસમાં આપવું છે, બહારગામ જવું છે વગેરે ઉપરાંત તેનામાં એવાં કોઈ લક્ષણો દેખાય છે કે કેમ એનું ઝીણવટભર્યું નિરીક્ષણ કરી લેતો. તેને અંદાજ આવી જતો કે અહીં બનાવટી સર્ટિફિકેટ ચાલશે કે નહીં. તે દરદી પાસેથી ફીના (અંદાજે 1000 રૂપિયા) પૈસા પડાવી લેતો. તે દરદીનું સૅમ્પલ કલેક્ટ કરતો, પણ આગળ લૅબને ટેસ્ટિંગ માટે મોકલતો જ નહીં. આ પહેલાંના દરદીઓના જે રિપોર્ટ હોય એમાં જ તે નામ, ઉંમર, ઍડ્રેસ, ફોન-નંબર જેવી માહિતી ચેન્જ કરી નાખતો અને અન્ય દરદીના જૂના રિપોર્ટ પર નવી માહિતી મૂકીને એ રિપોર્ટ આપી દેતો. આમ તે લૅબને અને દરદીઓને છેતરતો અને તેમની ફીના પૈસા ખિસ્સામાં નાખતો હતો. અમે તેની તપાસ કરી હતી. તેણે ૩૭ જણને આ રીતે બનાવટી રિપોર્ટ આપ્યો હોવાનું બહાર આવ્યું છે. તેણે આપેલા બનાવટી રિપોર્ટના ક્યુઆર કોડનું લૅબના ઓરિજિનલ સ્કૅનર દ્વારા સ્કૅનિંગ કરવામાં આવ્યું ત્યારે તેનો ભાંડો ફૂટી ગયો હતો. અમે છેતરપિંડીની અને અન્ય કલમો હેઠળ ગુનો નોંધીને તેની ધરપકડ કરી હતી અને વધુ કાર્યવાહી કરી હતી.’

12 April, 2021 10:50 AM IST | Mumbai | Bakulesh Trivedi

અન્ય લેખો

મુંબઈ સમાચાર

Maharashtra : લૉકડાઉનના કડક નિયમોનું પાલન 1લી જૂન સુધી લંબાયુ

મહારાષ્ટ્ર સરકારે ગુરૂવારે લૉકડાઉન જેવા પ્રતિબંધો 1લી જૂન સુધી ચાલુ  રાખવાનો નિર્ણય લીધો છે. વાઇરસના ફેલાવાને અટકાવવા માટે સવારે સાત વાગ્યા સુધી બધું બંધ રખાશેનો નિર્ણય ચાલુ રખાયો છે.

13 May, 2021 01:11 IST | Mumbai | Gujarati Mid-day Online Correspondent
મુંબઈ સમાચાર

ડોમેસ્ટિક ગાર્મેન્ટ ઇન્ડસ્ટ્રીને મંજૂરી નહીં અપાય તો ખતમ થઈ જશે : સીએમએઆઇ

કોરોનાની બીજી બાદ ત્રીજી લહેર આવવાના ભય વચ્ચે કામકાજ ઠપ : ૭૭ ટકા મૅન્યુફૅક્ચરરો ૨૫ ટકા સ્ટાફ ઘટાડવાની ફિરાકમાં

13 May, 2021 09:07 IST | Mumbai | Gujarati Mid-day Correspondent
મુંબઈ સમાચાર

બાખડનારાને છોડાવવામાં એમાંના એકે કૉન્સ્ટેબલના માથામાં મારી દીધી ઇંટ

ઘાટકોપર પોલીસ સાથે જોડાયેલા ૫૨ વર્ષના કૉન્સ્ટેબલ રામા કાંબળે ગઈ કાલે રાતના પોતાની ફરજ બજાવતી વખતે અસલ્ફા વિસ્તારમાં એક કૉલ આવવાથી ગયા હતા. ત્યાં બે યુવકો મારામારી કરી રહ્યા. એમાંના એક યુવકે કાંબળેના માથા પર ઈંટ મારી હતી.

13 May, 2021 09:36 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK