યૌન ઉત્પીડનના પ્રયત્નના આરોપમાં અંધેરી એમઆઇડીસી પોલીસ સ્ટેશનમાં શૅર બ્રોકર જિગ્નેશ મેહતા વિરુદ્ધ કેસ નોંધવામાં આવ્યો છે. બ્રોકર પર યૌન ઉત્પીડન અને છેડતીનો આરોપ છે.
પ્રતીકાત્મક તસવીર સૌજન્ય આઇસ્ટૉક
મુંબઈમાં એક સ્ટ્રગ્લિંગ એક્ટ્રેસ સાથે યૌન ઉત્પીડનના આરોપમાં એક ટૉપ શૅર બ્રોકર અને વેપારીની પશ્ચિમી મુંબઈના હોટેલમાંથી ધરપકડ કરવામાં આવી છે. મુંબઈની પશ્ચિમી ઉપનગરમાં એક હોટેલમાં એક્ટ્રેસ અને મૉડલ સાથે યૌન ઉત્પીડનના પ્રયત્નના આરોપમાં અંધેરી એમઆઇડીસી પોલીસ સ્ટેશનમાં શૅર બ્રોકર જિગ્નેશ મેહતા વિરુદ્ધ કેસ નોંધવામાં આવ્યો છે. બ્રોકર પર યૌન ઉત્પીડન અને છેડતીનો આરોપ છે.
મેહતાએ પીડિતાને મુંબઈમાં અંધેરી એમઆઇડીસીની એક હોટેલના રૂમમાં મળવા કહ્યું હતું. મેહતાએ પીડિતાને કહ્યું કે તે અનેક બૉલિવૂડ નિર્માતાઓને ઓળખે છે અને તે પીડિતાને કામ અપાવશે. મેહતાએ પીડિતાને શુક્રવારે હોટેલના રૂમમાં ડિનર માટે બોલાવી હતી.
ADVERTISEMENT
જ્યારે પીડિતા મેહતાના રૂમમાં ગઈ તો તેણે પીડિતાનું યૌન શોષણ કરવાનો પ્રયત્ન કર્યો અને તેના કપડા કાઢવાનો પ્રયત્ન કરવા માંડ્યો. જ્યારે તેનો મિત્ર પણ ત્યાં હાજર હતો. પીડિતાએ આનો વિરોધ કર્યો અને મદદ માટે ચીસો પાડવા માંડી. તેની ચીસો સાંભળીને હોટેલના કર્મચારીઓ દોડ્યા અને પીડિતાને બચાવી.
ત્યાર બાદ હોટેલના કર્મચારીઓએ મેહતાને પકડી લીધો અને અંધેરીના એમાઇડીસી થાણાંને સોંપી દીધો. મેહતા પર આઇપીસી કલમ 354, 354 બી અને 506 હેઠળ કેસ નોંધવામાં આવ્યો છે.
