Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > પતિ ફરાર તો પત્ની અંદર

પતિ ફરાર તો પત્ની અંદર

02 April, 2024 07:22 AM IST | Mumbai
Mehul Jethva | mehul.jethva@mid-day.com

હીરાબજારના વેપારીઓ સાથે ૨૬ કરોડ રૂપિયાની છેતર​પિંડી કરવાના આરોપી શાલીન શાહની વાઇફ જલ્પાની ધરપકડ, ગુનામાં સામેલ હોવાનું લાગે છે પોલીસને

શાલીન શાહ

શાલીન શાહ


બાંદરા કુર્લા કૉમ્પ્લેક્સ (BKC)માં આવેલા ડાયમન્ડ માર્કેટના ચાર વેપારી પાસેથી ૨૦૨૩માં ૨૬ કરોડ રૂપિયાના ડાયમન્ડ લઈને પલાયન થઈ જવાના આરોપનો સામનો કરતા ૪૨ વર્ષના શાલીન શાહની પત્નીની પોલીસે ધરપકડ કરી છે. વેપારીઓએ ગયા મહિને પોલીસમાં શાલીન સામે છેતરપિંડીની ફરિયાદ નોંધાવી હતી. આ ફરિયાદના આધારે પોલીસે શરૂ કરેલી તપાસમાં આરોપીની સાથે તેની પત્ની જલ્પા શાહ પણ આ ગુનામાં સામેલ હોવાનું બહાર આવતાં પોલીસે તેની ધરપકડ કરી છે. શાલીનના ઘરની તપાસ કરતાં પોલીસને પાંચ લાખ રૂપિયાના હીરા મળી આવ્યા છે. 
મૂળ પાટણના શાલીન શાહ સામે પહેલી ફરિયાદ ધર્મનંદન ડાયમન્ડ પ્રાઇવેટ લિમિટેડની છે. માર્ચથી સપ્ટેમ્બર ૨૦૨૩ સુધીમાં કિશા ડાયમન્ડ એક્સપોર્ટના નામે ફર્મ ચલાવતા શાલીન શાહને બે વખત કરોડોના હીરા સપ્લાય કર્યા હતા, બન્ને વખત ડાયમન્ડ ઊંચા ભાવે વેચવાનું અને એનું કમિશન કાપ્યા પછી ચુકવણી કરવાનું વચન આપીને શાલીન શાહે કુલ ૨૧ કરોડ રૂપિયાના ૧૬૮૫.૯૨ કૅરૅટના કટ અને પૉલિશ્ડ હીરા લીધા હતા એવી ફ​રિયાદ કરવામાં આવી છે. બીજા કિસ્સામાં તેણે અનેરી જ્વેલર્સ નામની કંપનીના માલિક નીરવ પારેખ સાથે અન્ય બે વેપારી પાસેથી હીરા ઊંચા ભાવે વેચી આપવાનું કહીને ૪.૪૯ કરોડ રૂપિયાના હીરા લીધા હતા, પરંતુ જ્યારે વેપારીઓએ શાલીન પાસે પૈસાની માગણી કરી ત્યારે તે કોઈ ને કોઈ કારણ આપીને વેપારીઓને ટાળતો રહ્યો હતો એવું ફરિયાદમાં જણાવવામાં આવ્યું છે. ફરિયાદમાં કહેવામાં આવ્યું છે કે ત્યાર બાદ તેણે વેપારીઓના ફોન ઉપાડવાનું પણ બંધ કરી દીધું હતું.

read-more-bannerplaystoreappstoreread-more-bannerplaystoreappstore
X
આખો આર્ટિકલ વાંચવા માટે ગુજરાતી મિડ-ડે એપ્લિકેશન ડાઉનલોડ કરો
Scanner
એપ ડાઉનલોડ કરવા માટે સ્કેન કરો QR કોડ
Scanner Scanner
Whatsapp-channel Whatsapp-channel

02 April, 2024 07:22 AM IST | Mumbai | Mehul Jethva

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK