° °

આજનું ઇ-પેપર
Friday, 01 July, 2022


ગેરકાયદે બાર ઍન્ડ રેસ્ટોરાં અને લૉજ થયાં જમીનદોસ્ત

23 May, 2022 09:06 AM IST | Mumbai
Gujarati Mid-day Correspondent | feedbackgmd@mid-day.com

મીરા–ભાઈંદરમાં વિધાનસભ્ય પ્રતાપ સરનાઈકે લખેલા પત્ર પર તરત જ કાર્યવાહી કરીને એમબીએમસીએ એમને તોડી પાડ્યાં

મોટી સંખ્યામાં પોલીસની હાજરીમાં મૅડનેસ બાર, રૉકસ્ટાર બાર અને એક ગેરકાયદે લૉજ એમબીએમસીના અતિક્રમણ વિભાગે તોડી પાડ્યાં હતાં.

મોટી સંખ્યામાં પોલીસની હાજરીમાં મૅડનેસ બાર, રૉકસ્ટાર બાર અને એક ગેરકાયદે લૉજ એમબીએમસીના અતિક્રમણ વિભાગે તોડી પાડ્યાં હતાં.


મુંબઈ: મીરા–ભાઈંદર મહાનગરપાલિકાની મંગળવારે સર્વસાધારણ સભા ચાલુ હતી ત્યારે બીજેપીનાં નગરસેવિકા નીલા સોન્સે બગીચા માટે અનામત રખાયેલા પ્લૉટ પર ગેરકાયદે ઊભા કરી દેવાયેલા જોખમી લેડીઝ બારનો મુદ્દો ઊભો કર્યો હતો. એ વખતે બીજેપીના જ કેટલાક અન્ય નગરસેવકોએ નીલા સોન્સ અને તેમને આ મુદ્દે સપોર્ટ કરનાર ગીતા જૈનનો વિરોધ કર્યો હતો, હુરિયો બોલાવ્યો હતો, તેમને ગાળો ભાંડી હતી તથા તેમના પર પાણીની બૉટલો પણ ફેંકી હતી. એ ઘટના ગંભીર હોવાથી શિવસેના દ્વારા આ સંદર્ભે એમબીએમસીના કમિશનર દિલીપ ઢોલેનો ઘેરાવ પણ કરવામાં આવ્યો હતો અને એ ગેરકાયદે બાર ઍન્ડ રેસ્ટોરાં અને લૉજ જમીનદોસ્ત કરવાની માગણી કરી હતી. વિધાનસભ્ય પ્રતાપ સરનાઈકે તો આ સંદર્ભે કમિશનરને પત્ર લખીને ગેરકાયદે ચાલતા બાર ઍન્ડ રેસ્ટોરાં યાદી તેમને આપી હતી. આ લેડીઝ બાર અને રેસ્ટોરાં તથા લૉજ બીજેપીના જ એક નેતાનાં હોવાનો તેમણે દાવો કર્યો હતો. 
એ પછી એમબીએમસીના કમિશનર દિલીપ ઢોલેએ તેમને કાર્યવાહી કરવાનું આશ્વાસન આપ્યું હતું. શુક્રવારે એમબીએમસીના અધિકારીઓએ કાશીમીરા પોલીસ સ્ટેશનની હદમાં વેસ્ટર્ન એક્સપ્રેસ હાઇવે પર આવેલા રૉકસ્ટાર બાર, મૅડનેસ બાર અને સર્વિસ રોડ પર જ ગેરકાયદે ઊભી કરી દેવાયેલી એક લૉજ જમીનદોસ્ત કરી નાખ્યાં હતાં. એમબીએમસીના અનેક અધિકારીઓ અને મોટી સંખ્યામાં પોલીસની હાજરીમાં આ તોડકામ થયું હતું. ગઈ કાલે એ જગ્યાએથી કાટમાળ હટાવવામાં આવી રહ્યો હતો એ વખતે પણ મોટી સંખ્યામાં એમબીએમસીના અધિકારીઓ પોલીસ સાથે હાજર રહ્યા હતા. 
આમ પ્રતાપ સરનાઈકે લખેલા પત્રની ધારી અસર ઊપજી હતી અને બીજા જ દિવસે ડિમોલિશન ડ્રાઇવ હાથ ધરાઈ હતી. 

23 May, 2022 09:06 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

રાજ્યનો વિકાસ થાય અને બધાને ન્યાય મ‍ળે એવાં કામ કરીશું : એકનાથ શિંદે

બહુમત સિદ્ધ કરવા શનિવારે વિધાનસભાનું વિશેષ સત્ર

01 July, 2022 12:26 IST | Mumbai | Gujarati Mid-day Correspondent
મુંબઈ સમાચાર

ચાવાળા પીએમ બન્યા બાદ મહારાષ્ટ્રમાં રિક્ષાવાળા સીએમ

એકનાથ શિંદેએ બાળાસાહેબ ઠાકરે અને થાણેના શિવસેનાના નેતા આનંદ દીઘેના પ્રભાવ હેઠળ ૧૯૮૦ના દશકામાં શિવસેના જૉઇન કરી હતી

01 July, 2022 12:13 IST | Mumbai | Gujarati Mid-day Correspondent
મુંબઈ સમાચાર

કૉન્ગ્રેસી નેતાઓ ઉદ્ધવ ઠાકરેને મળ્યા, પણ એમવીએ યથાવત્ રાખવા વિશે કોઈ ચર્ચા ન થઈ

સેના, કૉન્ગ્રેસ અને એનસીપીનું ગઠબંધન એમવીએ યથાવત્ રહેશે કે કેમ એ વિશે તેમણે કહ્યું હતું કે હજી એનો નિર્ણય લેવો બાકી છે

01 July, 2022 12:07 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK